Luk 1:17 - সান্তালী বাইবেল

¹⁷ Uni do Eliạ nạbi reakʼ Jiu ar daṛete Probhu Isor laha lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoy ocoytakoa. Nonkate uni do Probhu Isor lạgitʼ mitʼṭecʼ sapṛao akan jạtrenkoe tearkoa.”

Santali Common Language New Testament

¹⁷ Uni do Eliạ nạbi reakʼ Jiu ar daṛete Probhu lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoe ocoetakoa. Nonkate uni do Probhu lạgitʼ mitʼṭen sapṛao akan jạte tearkoa.”

Luk 1:17 Iomraidhean Croise

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

2 Rapajko 1:16

Uni do raje metadea, “Probhu Isor do niạ kathae meneda, ‘Israelre cetʼ Isor do bạnuiya, onate Ekronren deboda Bakʼal-sebub ṭhen kulijoṅ lạgitʼ hoṛem kolletʼkoa? Ar noam kạmi akatʼte am do aṭetʼ khon ar bam beretʼ ruạṛ daṛeakʼa. Khạṭigem gujukʼa.’ ”

1 Bõsbudạ 29:18

E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.

2 Bõsbudạ 29:36

Isor do acʼren hoṛko lạgitʼ ạḍi usạraye kạmiletʼte Hiskiạ ar sanam hoṛko doko rạskạyena.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Jesaea 29:24

Ar okoe ṭhik leka bako bujhạu daṛeakʼkan tahẽkan onko do mońjteko bujhạua, ar okoeko karacʼ kurujokʼkan tahẽkan onko do ạkilko cetʼjoṅa.

Amos 4:12

Onatege E Israel, iń do khạṭige am sãote nonkań beohara. Ona iạte E Israel, amren Isor samaṅre teṅgokʼ lạgitʼ ma sapṛaokʼme.”

Mathae 11:14

Noa kathape pạtiạuakʼ kan khan enḍekhan ańjompe okoeyakʼ hijukʼ reakʼ katha tahẽkan uni Eliạ doe nui Johan kangea.

Mathae 14:4

Ente Johan doe metade tahẽkana, “Herodiạ bạhu mentem dohoye do baṅ ganokʼtama.”

Mathae 3:3

Nui Johan reaṅge Jesaea nạbi doe roṛletʼa; enkathae, “Hahaṅkarre mitʼṭen hohokạnicʼ reakʼ aṛaṅ, ‘Probhu Isorakʼ hor tearkataepe uniyakʼ suṛucʼ horko sojhe kataepe.’ ”

Mathae 3:4

Johan do ũṭ upʼ reakʼ aṅgrop ar ḍanḍare harta reakʼ paṭheakʼ tahẽkantaea. Uni do pohoko ar bir dumur rasae jometʼkan tahẽkana.

Luk 1:16

Israelko modren ḍherkoge akoren Probhu Isor secʼe ruạṛ ạgukoa.

Luk 1:76

E bachatiń, am do coṭ utạricʼ Isorren nạbiyem ńumogokʼa, ente am do uniyakʼ hor tear lạgitʼ uni laha lahatem calakʼa.

Johan 1:13

Noko hoṛkoakʼ janam do mãyãm khonakʼ do baṅ hoyakana, ar jel reakʼ sana se herel hoṛakʼ sana khon hõ baṅa, bickom Isor khonge hoyakana.

Johan 1:34

Iń do onań ńelakada ar gohań emetʼkana nui kangeae Isorren Hopon do.”

Johan 3:28

Apege roroṛpe ańjomakadiń je, Mạsi doń baṅkana, menkhan iń do uni lahateń kol ocoakana.

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

2Timothi 2:21

Okoe do noako bemanotakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhu Isorakʼ kạmireye lagaokʼa ar sanam lekan bhage kạmi lạgitʼ tear akane tahena.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

1 Samuel 7:5

Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”