Luk 1:16 - সান্তালী বাইবেল

¹⁶ Israelko modren ḍherkoge akoren Probhu Isor secʼe ruạṛ ạgukoa.

Santali Common Language New Testament

¹⁶ Israelko modren ḍherkoge akoren Probhu Isor secʼe ruạṛ ạgukoa.

Luk 1:16 Iomraidhean Croise

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Mathae 21:32

ente Johan do Isorakʼ sana leka calakʼ reakʼ hor udukʼape lạgitʼe hecʼlena, ar bape pạtiạuatʼtea. Menkhan mạsul uṭhạuko ar kusmbiko doko pạtiạuatʼtaea. Ona ńelte ape do mon hõ bape ạcurleda ar uniyakʼ hõ bape pạtiạuatʼtaea.

Luk 1:76

E bachatiń, am do coṭ utạricʼ Isorren nạbiyem ńumogokʼa, ente am do uniyakʼ hor tear lạgitʼ uni laha lahatem calakʼa.

Luk 3:3

Unre Johan do Jordan gaḍa beṛhaeteakʼ sanam jaegakore senkate porcare ehopʼena jemon hoṛko kại khon monko ạcurte ikạko ńam, ar ona reakʼ cinhạ lekate bạptismako ataṅ.