Luk 1:15 - সান্তালী বাইবেল

¹⁵ Ente Probhu Isorakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhireye tahen khonge sonot Jiuteye perejokʼa.

Santali Common Language New Testament

¹⁵ Ente Probhuakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhire tahen khonge sonot Jiuteye perejokʼa.

Luk 1:15 Iomraidhean Croise

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

1 Bõsbudạ 17:8

Ar jãhãtegem senlen iń hõ onḍe am sãoteń senlena ar am samaṅ khon amren sanam bạirikoń marao giḍi akatʼkoa. Iń do amakʼ ńutum dhạrtiren maraṅ maraṅ hoṛkoakʼ ńutum lekań hoyocoytama.

1 Bõsbudạ 29:12

Dhon ar man do am ṭhen khonge hijukʼkana; amge jotowakʼem ḍanṭaoeda. Amakʼ tirege daṛe ar ektiạri do menakʼa; manwa rakapʼko ar daṛe emako reakʼ ektiạri hõ amakʼge.

Sereńko 22:9

Eṅgạńakʼ kukhi khon amgem oḍok ạgukedińa; iń do tinre eṅgạńakʼ towań ńũiyetʼ tahẽkana unre amge amre bhorsakʼ reakʼem udgạu ledeńa.

Jirimiạ 1:5

“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”

Jirimiạ 35:6

Menkhan onko doko roṛ ruạṛkeda, “Darkha rasa do bale ńũiya, ente aleren hapṛam Rekabiạren hopon Jonadab do noa reakʼe mana akatʼlea, ‘ape se aperen hoponko darkha rasa do alope ńũiya.

Levitikus 10:9

“Am ar amren hoponkin ape do bubulakʼ ńũkate ńapamokʼ tạmbure alope bolokʼa, arpe bololen khan ape hõpe gujukʼa. Noa do piṛhike piṛhi mitʼṭecʼ jaejug reakʼ niạmge tahena.

Sakariạ 9:15

Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Luk 1:14

Uni do amakʼ jionre maraṅ rạskạwạnicʼe hoyokʼa ar uniyakʼ janam khạtirte arhõ ạḍi utạr hoṛko rạskạkʼa.

Luk 7:28

Ińiń metapekana, manwako modre Johan khon maraṅicʼ do okoe hõ bạnukʼkoa; enrehõ Isorakʼ rajre huḍiń utạricʼ do Johan khone maraṅgea.”

Luk 7:33

Johan bạbạptisicʼ do hecʼkate piṭhạ ar darkha rasa bae jomletʼtepe menkeda, ‘unire do bhut menaea.’

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Aposkạmi 2:4

Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

Josuạ 3:7

Unre Probhu Isor do Josuại metadea, “Teheń khon sanam Israelkoakʼ mẽtʼre amakʼ manotiń ḍher ocoya, jemonko bujhạu daṛeakʼ, iń cetʼleka Mose sãoteń tahẽkan onkage am sãore hõ minạńa mente.

Josuạ 4:14

Enhilokʼ Probhu Isor do sanam Israelko samaṅre Josuại maraṅ ocokedea. Ona iạte hoṛko do Mose leka Josuạ hõ jonom bhorko manaokedea.