Luk 1:1 - সান্তালী বাইবেল

^1-2 Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Santali Common Language New Testament

^1-2 Manotan Thiophil, aboko talare okako ghoṭna hoelen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Luk 1:1 Iomraidhean Croise

Mark 16:20

Ar celako do senkate sanam jaegare porcarko ehopʼena. Ar Probhu Isor do onko talate kạmiye ehopʼena ar hahaṛa kạmi reakʼ daṛeteye pormankeda, onko okako porcaretʼkan ona do sạrikana mente.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Romiko lạgitʼ Pạul Apostolakʼ ciṭhi 14:5

Mitʼ hoṛ do mitʼ din eṭakʼ din khon sorose bujhạueda. Arhõ eṭakʼ hoṛ do joto dinge somangeye bujhạueda. Noa babotre okoe cetʼe cekae ar bae cekae, ona do monreye khạṭi joṅma.

Romiko lạgitʼ Pạul Apostolakʼ ciṭhi 4:21

Abraham do purạte noae pạtiạukʼkan tahẽkana je, Isor okaṭakʼe gokʼakawade ona purạu lạgitʼ daṛe do menakʼgetaea mente.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

1 Thessalonikikko 1:5

ente alele porcar akatʼ bhage sombat do eken katha motote do baṅ seṭer akatʼpea, menkhan daṛete, sonot Jiute ar purạ khạṭi salakʼ hecʼatʼpe tahẽkana. Ape sãote tahẽkan jokhecʼ apeakʼ bhạlại lạgitʼ cetʼ lekale colonetʼkan tahẽkan ona mape baḍaege.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 6:11

Alele khojkana, ape mimitʼko jemon mucạtʼ hạbicʼ inạ jidge tahentape. Onate purạtepe khạṭi joṅa je, apeakʼ as do purạukʼtapea.