Levitikus 9:7 - সান্তালী বাইবেল

⁷ Ona tayom uni do Arone metadea, “Am do pinḍ ṭhen senkate kại ńutumte samaṅokʼakʼ ar jeredokʼ samaṅokʼakʼem samaṅte amakʼ ar ona sãote hoṛkoakʼ kại reakʼ puruchunme. Ona chaḍa hoṛkoakʼ samaṅokʼakʼ hõ samaṅme ar onkoakʼ kại reakʼ puruchunme; ente Probhu do onageye hukumakada.”

Levitikus 9:7 Iomraidhean Croise

Levitikus 16:11

“Aron do acʼ ar acʼ bõsrenkoakʼ kại ńutumte puruchun lạgitʼ ạguakade uni ḍaṅgrae gurea.

Levitikus 16:24

Ona tayom uni do sonot tạmbu oṛakʼ reakʼ ṭhạ̃ire senkateye ḍạbrạkʼa ar acʼakʼ kicricʼe horoga. Ar oḍok hecʼkate acʼ ar acʼren hoṛkoakʼ kại ńutumte puruchun reakʼe kạmiya.

Levitikus 16:6

Ar Aron do acʼ ar acʼ bõsrenkoakʼ puruchun lạgitʼ kại ńutumte samaṅokʼren ḍaṅgrae samaṅea.

Levitikus 4:3

“Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Levitikus 8:34

Teheń oka hoyen ona do Probhu Isorakʼ hukumtege apeakʼ puruchun reakʼ hoyena.

Levitikus 9:2

Uni do Arone metadea, “Kại ńutumte samaṅokʼakʼ lạgitʼ am do mitʼṭen ạnḍiạ mĩhũ ar jeredokʼ samaṅokʼ lạgitʼ mitʼṭen bheḍam ạguyea ar unkin do Probhu Isor samaṅrem dohokinạ. Unkin do jemon niphuṭ utạrkin hoyokʼ.

Ibriko 5:1

Hoṛko secʼ khon Isorakʼ dewa sewae lạgitʼ mimitʼ maraṅ naekeko do manwako tala khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ daṛeakʼ.

Ibriko 5:3

Uni do cetʼleka eṭakʼ hoṛkoakʼ kại lạgitʼ janware dãṛẽyedekan onkage acʼ apnartetʼ hõe nijorgete apnar lạgitʼ hõ ona dãṛẽ samaṅ hoyokʼtaea.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

1 Samuel 3:14

Ona iạte Eliyakʼ bõsko reaṅ iń do kiriạkateń meneda, janwar samaṅokʼakʼ se eṭakʼ jãhãn samaṅokʼakʼ hotete hõ uniyakʼ bõsko reakʼ behokakʼko do tisge baṅ puruchunokʼ takoa.”