Levitikus 9:6 - সান্তালী বাইবেল

⁶ Unre Mose do onkoe metatʼkoa, “Probhu Isorakʼ mạhima ape samaṅre jemon sodorokʼ ar onate uni do noako kạmi lạgitʼe hukum akatʼpea.”

Levitikus 9:6 Iomraidhean Croise

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.

Exodus 24:16

Ar Sinại burure Probhu Isorakʼ ṭhonok sodorena. Turui din hạbicʼ buru do rimilte danaṅge tahẽyena. Ona tayom eae din hilokʼre ona rimil tala khon Probhu Isor do Moseye hohoadea.

Exodus 29:43

Israelko sãote onḍegeń ńapamokʼa ar ińakʼ ṭhonok do ona ṭhạ̃iye begar dohokakʼa.

Jeheskel 43:2

Ar iń do purub secʼ khon Israelren Isorakʼ ṭhonok hijukʼ kaniń ńelkeda. Uniyakʼ aṛaṅ do aema dakʼko reakʼ sabad leka tahẽkana ar dhạrti do uniyakʼ ṭhonokte marsalena.

Levitikus 9:23

Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Levitikus 9:5

Onko do Moseyakʼ hukum leka ńapamokʼ tạmbu samaṅre jotowakʼ jinisko ạgukeda ar sanam Israelko do Probhu Isor samaṅreko teṅgoyena.