Levitikus 8:2 - সান্তালী বাইবেল

² “Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Levitikus 8:2 Iomraidhean Croise

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Exodus 28:40

“Manot ar sajaokʼ lekate am do Aronren hoponko hõ kicricʼko, ḍanḍa totolakʼko ar bohokʼ reakʼ dạṛhim benao ocoakoa.

Exodus 39:41

sonot ṭhạ̃ire sekʼwa kạmi lạgitʼ kicricʼko, metakʼme naeke Aron lạgitʼ benaoakʼ sonot kicricʼko ar uniren hoponkin lạgitʼ naeke lekate sapʼdapʼ kạmi lạgitʼ kicricʼko.

Levitikus 6:10

Ar setakʼ jokhecʼ naeke do acʼakʼ mĩhĩ musnạ kicricʼ ar huḍiń penṭ horokʼkate pinḍ cetanre jeredokʼ samaṅokʼakʼ reakʼ torocʼ rakapʼkate pinḍ aṛereye dohokakʼa.

Levitikus 8:1

Inạ tayom Probhu Isor do Moseye galmaraoadea,

Levitikus 8:10

Ona tayom uni do sekʼwa tạmbu ar ona bhitri reakʼ sanamakʼ cetanre ojokʼ bahalokʼ reakʼ sunume ojokʼada ar nonkate Probhu Isor ńutumte onakoe begarkeda.

Levitikus 8:18

Ona tayom uni do jeredokʼ samaṅokʼren bheḍae ạgukedea. Unre Aron ar uniren hoponko do bheḍawakʼ bohokʼre akoakʼ tiko dohokeda.

Levitikus 8:22

Ona tayom uni do eṭakʼ bheḍa, metakʼme samaṅokʼren bheḍae ạgukedea. Unre Aron ar uniren hoponko do uni bheḍa cetanre akoakʼ tiko dohoketʼtakoa.

Levitikus 8:3

Ar ńapamokʼ tạmbu reakʼ duạr ṭhen sanam Israelkom jarwakoa.”

Ibriko 7:27

Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.