Levitikus 8:11 - সান্তালী বাইবেল

¹¹ Uni do sunum reakʼ thoṛa hataokate pinḍ cetanre eae dhaoe ircikeda. Ar ona sunumte pinḍ ar ona reakʼ sanam thạri-bạṭiko ar gamlako sudhạ Probhu Isor ńutumteye begarkeda.

Levitikus 8:11 Iomraidhean Croise

Exodus 16:14

Ar tinre ona sisir hawetʼena unre otre hako cũyạ̃kʼ leka ńelena. Ona do ńelokʼte rataṅ leka ńur akan tahẽkana.

Exodus 16:19

Ona tayom Mose do onkoe metatʼkoa, “Setakʼ lạgitʼ do alope sarecʼ dohokakʼa.”

Exodus 29:36

Kại ńutumte puruchunokʼ lạgitʼ eae din hạbicʼ am do dinạmge mitʼṭenkate damkomem samaṅea. Kại ńutumte puruchunokʼ porob hotete pinḍem saphaea ar sunum dulkate iń ńutumte onam begar dohokakʼa.

Exodus 29:37

Pinḍ sapha ocoy lạgitʼ eae din hạbicʼ din hilokʼ puruchun porob hotete ona do iń ńutumtem begar dohoya. Ar onate pinḍ do sonot utạrokʼa. Onare jãhãnakʼge jagokʼ ona do iń ńutumte begar dohokʼa.

Exodus 30:29

Onate onako do sonot utạrakʼ jinis hoyokʼa. Onare okaṭakʼ jagokʼ onage iń ńutumte begar hoyokʼa.

Exodus 4:17

Amakʼ noa ṭheṅga do iditoraeme ar ona hotetege onako hahaṛa kạmi dom kạmiya.”

Exodus 4:6

Probhu Isor do arhõ uniye metadea, “Amakʼ ti do ḍanḍa totolakʼ cetanre menakʼ kicricʼ reakʼ bhãj bhitrire dohoyme.” Mose do onkageye kạmikeda. Menkhan tiye oḍokketʼ khan uniyakʼ ti do ponḍge murhucʼ jom rog leka ńelena.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Levitikus 14:16

Ar jojom ti reakʼ kạṭupʼko sunumre cạbukʼkate Probhu Isor samaṅre eae dhaoe irciya.

Levitikus 4:17

Uni do ona mãyãmre acʼakʼ kạṭupʼkoe topoetaea ar Probhu Isor samaṅre sonot ṭhạ̃i reakʼ orwal secʼ eae dhaoe irciya.

Levitikus 4:6

Ar ona mãyãmre acʼakʼ kạṭupʼe caḍoetaea ar thoṛa mãyãm do Probhu Isor samaṅre ona sonot ṭhạ̃i reakʼ orwal secʼ eae dhaoe irciya.

Titus lạgitʼ Pạul Apostolakʼ ciṭhi 3:6

Aboren babańcaoicʼ Jisu Mạsi hotete uni do sonot Jiue danatʼ bona.