Levitikus 7:30 - সান্তালী বাইবেল

^30-31 Probhu Isor ńutumte seṅgelteakʼ samaṅokʼakʼ noa hĩs, metakʼme koṛam reakʼ jel ar ona cetan reakʼ itil uni do apnar tite naekeye emaea. Ar naeke do koṛam reakʼ jel dolek samaṅokʼakʼ menkate Probhu Isor samaṅreye dolaoa ar ona do Aron ar uniren hoponkoakʼ hoyokʼa, menkhan itilko do pinḍ cetanreye jeretʼ giḍikakʼa.

Levitikus 7:30 Iomraidhean Croise

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Levitikus 10:14

Menkhan Probhu Isor ńutumte dolek akatʼ koṛam reakʼ jel ar bulu reakʼ phạṛi do am ar amren hopon ar hoponera jotogeko jom daṛeakʼa. Menkhan noa do mitʼṭecʼ sapha ṭhạ̃irepe joma. Israelkoakʼ sanam sulukren samaṅokʼakʼ noa hĩs do am ar amren hopon ar hoponerako lạgitʼ kana.

Levitikus 10:15

Seṅgelteakʼ samaṅokʼakʼ lạgitʼ tinre itilko ạgukʼa unre Probhu Isor samaṅre ona do dolek samaṅokʼakʼ lekate dolao lạgitʼ bulu phạṛi ar koṛam reakʼ jel ạgui hoyokʼa. Probhu Isorakʼ hukum leka noa bulu reakʼ phạṛi ar koṛam reakʼ jel do am ar amren hoponko ar hoponerakoakʼ bakhra kana.”

Levitikus 3:14

Ar samaṅicʼ do samaṅ akade janwar khon thoṛa hĩs oḍokkate Probhu Isor ńutumte seṅgelre samaṅokʼakʼ lạgitʼ naeke emae hoyokʼtaea. Noako hĩs do hoyokʼkana uni janwarakʼ judạ judạ hĩs reakʼ itilko ar onako sãote jalatʼmitʼ akan itilko,

Levitikus 3:9

Probhu Isor ńutumte seṅgelre samaṅokʼ reakʼ porob lạgitʼ samaṅedekạnicʼ do noa sulukren samaṅokʼ janwarakʼ thoṛa hĩsko oḍokkate naeke emae hoyokʼtaea. Noako hĩs do hoyokʼkana uni janwarakʼ itil, itilte perecʼ canḍbol, lacʼ bhitri reakʼ eṭakʼ eṭakʼ hĩs reakʼ itil ar onako sãote jalatʼmitʼ akan itil,

Levitikus 8:27

Onako uni do Aron ar uniren hoponkoakʼ tireye calatʼkote dolek samaṅokʼakʼ lekate ona do Probhu Isor samaṅreye dolaokeda.

Levitikus 8:29

Ona tayom uni do acʼakʼ bakhra reakʼ hĩs, metakʼme ojokʼ bahalokʼ samaṅokʼren bheḍawakʼ koṛam reakʼ hĩs hataokate dolek samaṅokʼakʼ lekate Probhu Isor samaṅreye dolaokeda. Ar Mose do jotowakʼge Probhu Isorakʼ hukum lekae kạmikeda.

Levitikus 9:21

Ar Mose cetʼlekae hukumade tahẽkan onkage uni do dolek samaṅokʼakʼ lekate koṛam reakʼ jel ar jojom bulu reakʼ phạṛi do Probhu Isor samaṅreye dolaokeda.

Numeri 6:20

Ona tayom naeke do dolek samaṅokʼakʼ lekate Probhu Isor samaṅreye dolaoa. Noa do sonotakʼ jinis kana ar ona do naekeyakʼge hoyokʼa. Ona chaḍa dolao akatʼ koṛam reakʼ jel ar samaṅ akatʼ bulu hõ naekeyakʼ hoyokʼtaea. Noako hoylen tayom uni nạsri hoṛ do darkha rasae ńũ daṛeakʼa.

Numeri 8:11

Ar Aron do Probhu Isor samaṅre Israel hoponko ṭhen dolek samaṅokʼakʼ lekate Liwikoe samaṅkoa jemon Probhu Isorakʼ sapʼdapʼ kạmi lạgitʼko hoyokʼ.

Johan 10:18

Okoe hõ ińakʼ jiwi iń khon do bako rejeńa, menkhan iń do ińtegeń alaeyeda. Iń do jiwi alae reakʼ ektiạri menakʼtiń arhõ jiwi hatao ruạṛ reakʼ hõ ektiạri menakʼtińạ. Noa dạyik do ińren Baba ṭhen khoniń ńamakada.”

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Dosar Biboron 18:3

“Disạm hoṛko okoe do ḍaṅgra, merom boda, bheḍako samaṅokʼakʼ lạgitʼko ạguko onko reakʼ phạṛi, banar jambe reakʼ jel ar remetʼ do naekeko emaea; noako do naekeakʼge hoyokʼa.