Levitikus 7:1 - সান্তালী বাইবেল

¹ “Noa do hoyokʼ kana dos ńutumte samaṅokʼakʼ niạm. Samaṅokʼakʼ reakʼ noa jel do sonot utạrakʼ kana.

Levitikus 7:1 Iomraidhean Croise

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.

Jeheskel 40:39

Phaṭok duạrte bolokʼ kandha reakʼ banarsa aṛerege bareakate ṭebil tahẽkana. Onako cetanre do jeredokʼ samaṅokʼakʼ, puruchun lạgitʼ samaṅokʼakʼ ar dos samaṅokʼren janwarkoakʼ jel getʼkateko dohoyetʼ tahẽkana.

Jeheskel 44:29

Onko do anaj samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ jinisko joma; Israel disạmre Probhu Isor ńutumte emakʼ mitʼke mitʼ jiniskoge onkoakʼ hoyokʼa; onako do baṅ chaḍao ạgukʼa.

Jeheskel 46:20

Uni do ińe metadińạ, “Noa do ona ṭhạ̃i kana one okare naekeko do dos ńutumte samaṅokʼakʼ ar kại ńutumte samaṅokʼakʼ jelko teke isin ar anaj samaṅokʼakʼ jinisko sekao isin jemon ona sonot jinisko bahre racare ạgu baṅ lagaoako, ente jãhãe hoṛge onae joṭed uni do Probhu Isor ńutumteye begar utạrokʼa.”

Levitikus 21:22

Isor ńutumte samaṅakʼ jomakʼ modre sonotakʼ ar sonot utạrakʼ joto jomakʼge uni doe jom daṛeakʼa,

Levitikus 5:11

“Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Levitikus 5:14

Noa tayom Probhu Isor do Moseye galmaraoadeteye metadea,

Levitikus 5:15

“Jãhãe hoṛ monre kại reakʼ monsubạ doho baṅkate Probhu Isor ńutumte begar dohoakan jinisko babotreye kại enḍekhan uni do kại reakʼ juribana lekate Probhu Isor samaṅre mitʼṭen niphuṭ utạricʼ bheḍa ạguiye hoyokʼtaea. Ar noa do dos ńutumte samaṅokʼakʼ kana. Ona chaḍa dhorom reakʼ sekel lekate tinạkʼ rupạte bheḍawakʼ dam ṭhik dohokʼ unạkʼ rupạ do khuti purun lekate uni emae hoyokʼtaea.

Levitikus 5:7

“Uni hoṛ do bhiḍi pạṭhi bae ạgu daṛeae, enḍekhan uniyakʼ ona behok reakʼ ḍanḍom lekate Probhu Isor ńutumte barea potam se barea parwa lagaoaea. Unkin modre mitʼṭen do kại ńutumte ar eṭagicʼ do jeredokʼ samaṅokʼakʼ lạgitʼ.

Levitikus 5:8

Unkin ạgukate uni do naekeakʼ tireye jimạkinạ ar naeke do pạhilre kại ńutumte samaṅokʼ lạgitʼ ạguakan cẽṛẽye samaṅ maṛaṅea. Uni do bae phạṛiyea menkhan bohokʼe mocṛao tapagtaea.

Levitikus 6:17

Ar khạmi mesalkate ona do jemon alo rapagokʼ. Noa do iń ńutumte seṅgelre samaṅokʼakʼ jinis reakʼ onkoń ematʼkoa. Kại ńutumte samaṅokʼ ar dos ńutumte samaṅokʼakʼ leka jomakʼ samaṅokʼakʼ reakʼ noa hĩs hõ sonot utạrakʼ jinis kana.

Levitikus 6:25

“Aron ar uniren hoponkom metakoa, noa do kại ńutumte samaṅokʼakʼ kana. Ar jeredokʼ samaṅedekạnicʼ janwar do teṅgenokʼ ṭhạ̃ire Probhu Isor samaṅre kại ńutumte samaṅedekanicʼ janwar hõ gure hoyokʼa. Noa samaṅokʼakʼ reakʼ jel do sonot utạrakʼ jinis kana.

Numeri 6:12

ar ona sãote acʼ apnar hõ lahate leka Probhu Isor ńutumte begar tahen reakʼe kiriyạkʼa. Ona chaḍa dos akatʼ reakʼ samaṅokʼakʼ lạgitʼ uni do mitʼ bochor umerren mitʼṭen bheḍa hopone ạguiyea. Ar tinạkʼ din Probhu Isor ńutumte begar akane tahẽkan onako din do bạtilokʼtaea, ente onako dinre uni do besapha akane tahẽkana.