Levitikus 6:1 - সান্তালী বাইবেল

^1-5 Inạ tayom Probhu Isor do Moseye metadea, “Jãhãe hoṛ ṭhen khon jimạwakʼ se jạmine dohoakatʼ se jor julumkate hataoakʼ jãhãn jiniskote cholteye ṭhokakateye hataoakatʼ se jãhãeakʼ atʼ akan jinis ńamkate eṛeye roṛ se eṛe eṛeye kiriyạkʼ, nonkan jãhãe kại hoṛ Probhu Isorre bepạtiạr iạteye dusilen khan, enḍekhan uni okaṭakʼe kombṛo akatʼ se ṭhokakateye hatao akatʼ se uni ṭhen jimạ tahẽkan se atʼ akan jinise ńamakatʼ se oka jinis cetanre eṛe eṛeye kiriạkʼkan ona do uni hoṛ ruạṛkatae hoyokʼtaea. Ar khuti purun hõ purạge emkatae hoyokʼa ar ona sãote ona jinis reakʼ mõṛẽ hĩs reakʼ mitʼ hĩs reakʼ dam hõ ḍher emae hoyokʼtaea. Ar dos ńutumte samaṅokʼ hilokʼ hõ jinisren mạlik ona emkatae hoyokʼtaea.

Levitikus 6:1 Iomraidhean Croise

Exodus 20:15

“Alom kombṛoya.

Exodus 22:1

“Jãhãe hoṛ ḍaṅgra se bhiḍi kombṛo ạgukate dãṛẽye samaṅe seye ạkhrińe, enḍekhan uni do mitʼṭen ḍaṅgra bodolte mõṛẽ goṭen ḍaṅgra ar mitʼṭen bhiḍi bodolte ponea bhiḍi em ruạṛkakʼ hoyokʼtaea.

Exodus 22:7

Jãhãege ṭaka poesa se jinisko dohoy lạgitʼ jãhãeye emae ar uniyakʼ oṛakʼ khon ona kombṛokʼ enḍekhan kombṛoe sapʼlenre uni kombṛo do ona reakʼ pongel doboṛ ruạṛkakʼ hoyokʼtaea.

Levitikus 19:21

Menkhan uni hoṛ do Probhu Isor ńutumte dos reakʼ samaṅokʼakʼ menkate ńapamokʼ tạmbu reakʼ duạr ṭhen mitʼṭen bheḍa ạguiye hoyokʼtaea.

Levitikus 5:19

Noa do kại ńutumte mitʼṭen samaṅokʼakʼ kana, ente uni do Probhu Isor samaṅreye dusigea.”

Levitikus 7:33

Aronren okoeṭakʼ hopon do sulukren samaṅicʼ janwarakʼ mãyãm ar itile samaṅ uni do bakhra lekate jojom bulu phạṛi reakʼ jele ńama.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”