Levitikus 5:16 - সান্তালী বাইবেল

¹⁶ Ar ona sonot jinis babotreye kại akatʼ iạte uni do puruchun lekate noa emokʼ hoyokʼtaea. Ona chaḍa bheḍawakʼ dam sãote arhõ mõṛẽ hĩs reakʼ mitʼ hĩs do naeke tire emokʼ hoyokʼa. Ar naeke do uni bheḍa idikate kại reakʼ puruchunokʼ ńutumteye samaṅea ar onate uniyakʼ kại do ikạkʼtaea.

Levitikus 5:16 Iomraidhean Croise

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Exodus 22:1

“Jãhãe hoṛ ḍaṅgra se bhiḍi kombṛo ạgukate dãṛẽye samaṅe seye ạkhrińe, enḍekhan uni do mitʼṭen ḍaṅgra bodolte mõṛẽ goṭen ḍaṅgra ar mitʼṭen bhiḍi bodolte ponea bhiḍi em ruạṛkakʼ hoyokʼtaea.

Levitikus 22:14

Jãhãege hiṛińte samaṅakʼ sonotakʼ jinise jomle khan uni do naeke ṭhen khuti purun emokʼ hoyokʼtaea. Ar ona jinis reakʼ dam sãote arhõ mõṛẽ hạṭiń reakʼ mitʼ hạṭiń bạ̃ṛti dam emokʼ hoyokʼtaea.

Levitikus 27:13

Ar manote dohoyetʼkạnicʼ jodi uni chaḍaoe menjoṅ enḍekhan uni janwarakʼ dam sãote uni do arhõ mõṛẽ hĩs reakʼ mitʼ hĩs dam ḍher emokʼ hoyokʼtaea.

Levitikus 27:15

Ar acʼakʼ sonot akatʼakʼ oṛakʼ chaḍao ruạṛe men enḍekhan uni do ona oṛakʼ reakʼ dam sãote arhõ mõṛẽ hĩs reakʼ mitʼ hĩs dam ḍher emokʼ hoyokʼtaea. Ar ona tayom do arhõ acʼakʼ oṛakʼ hoe ruạṛokʼtaea.

Levitikus 27:27

Menkhan jãhãn besapha janwarren pạhil hoponkan khane enḍekhan naekeye ṭhik dohoakatʼ dam sãote arhõ mõṛẽ hĩs reakʼ mitʼ hĩs dam bạ̃ṛti emkate uniye chaḍao daṛeaea. Ar bae chaḍaoe khan uni do ona ṭhik dohoakatʼ damtege ạkhrińe hoyokʼa.

Levitikus 27:31

Jãhãege ona gel hĩs reakʼ mitʼ hĩs chaḍaoe menjoṅ enḍekhan ona reakʼ dam sãote arhõ mõṛẽ hĩs reakʼ mitʼ hĩs bạ̃ṛti emokʼ hoyokʼtaea.

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Levitikus 5:10

Ar eṭakʼicʼ cẽṛẽte do niạm lekate jeredokʼ samaṅokʼakʼ samaṅkate naeke do uniyakʼ puruchun reakʼe bebostawaea; ar onate uniyakʼ kại do ikạkʼtaea.

Levitikus 5:13

Ar uni cetʼ lekae kại akatʼ onkage naeke do puruchun reakʼe kạmikataea ar onate uni do ikạye ńama. Ar samaṅokʼakʼ reakʼ sarecʼakʼ hĩsko do jomakʼ samaṅokʼakʼ jinis lekage naekeakʼ hoyokʼtaea.”

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 7:2

Jeredokʼ samaṅokʼicʼ janwar teṅgene ṭhạ̃ire dos ńutumte samaṅ akade janwar hõ gure hoyokʼa ar uniyakʼ mãyãm do pinḍ beṛhaete irciyakʼ hoyokʼa.

Numeri 5:7

Uni okae kại akatʼ ona do aṅgoc hoyokʼtaea. Ar okoe cetanreye behok akatʼ uni do khuti purun emkatae hoyokʼtaea. Okaṭakʼ jinis reaṅe behok akatʼ ona jinis reakʼ dam sãote arhõ mõṛẽ hĩs reakʼ mitʼ hĩs dam ḍher emokʼ hoyokʼtaea.

Numeri 5:8

Khuti purun hatao lạgitʼ uni hoṛren jãhãe sor peṛa bae tahen khan ona do Probhu Isorakʼge hoyokʼa. Ona khuti purun ar uniyakʼ kại reakʼ puruchunren bheḍa do naekege emae hoyokʼa.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

1 Samuel 6:3

Onkoko menkeda, “Israelkoren Isorakʼ sinduk kol ruạṛpe menetʼ khan ekenakʼ do alope kol ruạṛkakʼa. Ape do khạṭige uni ṭhen mitʼṭecʼ dos- samaṅokʼakʼpe kola. Enḍekhan ape do mońjpe tahena arpe baḍae daṛeakʼa, cedakʼ uniyakʼ keṭecʼ ti ape cetan khon baṅ ocogokʼ kana mente.”