Levitikus 5:11 - সান্তালী বাইবেল

¹¹ “Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Levitikus 5:11 Iomraidhean Croise

Exodus 16:18

Menkhan Omor reakʼ ojonte onako soṅketʼ khan okoe ḍherko halaṅketʼ onko do baṅ bạ̃ṛtilentakoa ar okoe thoṛako halaṅketʼ onko hõ baṅ komaolentakoa. Mimitʼkoge gharońj reakʼ jạruṛokʼ lekako halaṅkeda.

Exodus 16:36

Mitʼ Omor soṅakʼ do hoyokʼ kana mitʼ keji irạlsae gram.

Levitikus 1:14

“Probhu Isor ńutumte noa jeredokʼ samaṅokʼakʼ do jãhãn cẽṛẽkote hoeocoye menetʼ khan samaṅetʼkạnicʼ do mitʼṭen potam se parwa baṛeye ạguiyema.

Levitikus 12:8

Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”

Levitikus 14:21

“Menkhan uni doe reṅgecʼ hoṛkan khan ar onako ạgui reakʼ daṛe bạnukʼtae enhõ dos ńutumte samaṅokʼakʼ lạgitʼ uni do mitʼṭen bheḍa hopon ạguiye hoyokʼtaea, ar naeke do puruchun ńutumteye dolaoea. Ar ona sãote uni hoṛ do jomakʼ samaṅokʼakʼ lạgitʼ mitʼ keji irạl sae gram sunum mesalakatʼ mĩhĩ holoṅ, mitʼ liṭar pe poa sunum ar barea potam hopon baṅkhan barea parwa hopon ạgukin hoyokʼtaea, noa do uniyakʼ daṛeakʼ bahre do baṅkana. Ar unkin cẽṛẽ modre mitʼṭen do kại ńutumte ar eṭagicʼ do jeredokʼ samaṅokʼicʼ ńutumteye samaṅkina.

Levitikus 27:8

“Ar manotakʼe samaṅetʼ kạnicʼ doe reṅgecʼ hoṛkan khan ar niṭ akatʼ reakʼ dam emokʼ reakʼ daṛe bạnukʼtae khan uni do naeke ṭhen idiye hoyokʼa. Ar naeke do unre uniyakʼ daṛe leka ona reakʼ dame ṭhikaea.

Levitikus 5:12

Uni do ona holoṅ naeke ṭhene idiya. Ar naeke do sanamakʼ samaṅ baṅkate ona khon mitʼ cuputʼ locakate Probhu Isor ńutumte seṅgelre samaṅokʼakʼ jinis cetanreye atar gidikakʼa; noa do kại ńutumte mitʼṭen samaṅokʼakʼ kana.

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 5:9

Ona tayom uni cẽṛẽ khon thoṛa mãyãm hataokate pinḍ beṛhaeteye irciya, ar sarecʼakʼ mãyãm do roḍocʼ oḍokkate pinḍ aṛereye joro hińjida; noa do kại ńutumte mitʼṭen samaṅokʼakʼ kana.

Levitikus 6:20

“Arone ojokʼ bahal ocokʼ dinre Aron ar uniren hopon do jomakʼ samaṅokʼakʼ lekate jaoge mitʼ keji irạl sae gram mĩhĩ holoṅ Probhu Isor samaṅreko ạguiya. Ar ona reakʼ adha do setakʼ jokhecʼ ar adha do ạyupʼ jokhecʼko samaṅa.

Numeri 7:13

Uniyakʼ sandes do jomakʼ samaṅokʼakʼ lạgitʼ sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi;

Luk 2:24

Ona chaḍa “Mitʼ joṛa potam se barea parwa hopon” samaṅkin reakʼ katha cetʼleka Probhu Isorakʼ ạnre ol menakʼ onkage unkin do samaṅkin lạgitʼkin calaoena.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ibriko 9:22

Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.