Levitikus 5:1 - সান্তালী বাইবেল

¹ “Jãhãe hoṛ apnar ńelakʼ se ańjomakʼ jãhãnakʼ babotre bicạrre goha emokʼ reakʼ ạte ńamlere hõ thir hapegeye tahen enḍekhan uni do kại hoyokʼtaea ar ona behokʼ lạgitʼ uni do dạyireye paṛaokʼa.

Levitikus 5:1 Iomraidhean Croise

1 Rapajko 22:16

Raj do uniye metadea, “Ar tinạkʼ dhao iń kiriạ ocomea baṅma, Probhu Isor ńutumte sạriyakʼ chaḍa ar cetʼ hõ bam lạiyạńạ mente?”

1 Rapajko 8:31

“Jãhãe hoṛ eṭakʼ hoṛ upạrte behok iạteye dusilen khan ar acʼ apnar cetanre sarap ạgui lạgitʼe kiriạ ocokʼ khan ar amakʼ oṛakʼre senkate uni do pinḍ samaṅreye kiriạlen khan,

2 Bõsbudạ 18:15

Raj do uniye metadea, “Ar tinạkʼ dhao kiriạ kateń metama, Probhu Isor ńutumte sạriyakʼ chaḍa ar cetʼge alom mena mente?”

Sereńko 38:4

Ińakʼ bedhoromre iń doń unum akana; ona do nonkan bojha leka hoyakana ar bạń gokʼ daṛeakʼ kana.

Exodus 22:11

enḍekhan uni hoṛ ona bae ceka akatʼ ona do Probhu Isor samaṅre kiriạkate ona babotre miṭ maṭkakʼ hoyokʼtaea. Uni janwarren mạlik do ona manao hoyokʼtaea ar jãhãn khuti purun bae dạbi daṛeakʼa.

Kạhtukko 29:24

Kombṛo tulucʼ bhag hataoicʼ hoṛ do acʼge acʼren bạiriye hoyokʼa; uni do kiriạ ocolere hõ cetʼge bae sodora.

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jeheskel 18:20

Okoeye kại uni do khạṭigeye gujukʼa. Hopon do apatakʼ dos iạte sạjại ohoe ńamlea ar apat hõ hoponakʼ dos iạte bae sạjại ocokʼa. Dhorom hoṛ do acʼakʼ dhorom kạmi reakʼ joe ńama ar bạṛicʼ hoṛ do acʼakʼ dusṭạmi reakʼ jogeye ńama.

Jeheskel 18:4

Jiwetʼ sanam hoṛge ińren kanako, apat ar hopon banarge ińren kanakin. Jãhãegeye kại unigeye gujukʼa.

Levitikus 17:16

Menkhan kicricʼko bae saphaetae ar ḍạbrạ hõ bae ḍạbrạkʼ enḍekhan uni do acʼakʼ bedhorom iạte dạyireye paṛaokʼa.”

Levitikus 19:8

Okoe onae jom ona behokakʼ iạte uni do dạyireye paṛaokʼa, ente onate ińakʼ sonot jinis do besonotakʼ hoyokʼa. Ar uni hoṛ do acʼ jạtrenko khone marao ocokʼa.

Levitikus 20:17

“Nijạr miserat se kạki gogoren kuṛi baplayete uni tulucʼe giticʼmidokʼ noa do mitʼṭecʼ lajao paṛaoakʼ kạmi hoyokʼa. Uni misera do baṅ doe eṅgat secʼren kan ar baṅ doe apat secʼren kan ona do baṅ ganokʼa. Ar okoe onakoe onkae onko do hoṛ samaṅreko gocʼ ocokʼa. Ar miseratetʼe bemanot ocoyedete uni hoṛ do dạyireye paṛaokʼa.

Levitikus 5:15

“Jãhãe hoṛ monre kại reakʼ monsubạ doho baṅkate Probhu Isor ńutumte begar dohoakan jinisko babotreye kại enḍekhan uni do kại reakʼ juribana lekate Probhu Isor samaṅre mitʼṭen niphuṭ utạricʼ bheḍa ạguiye hoyokʼtaea. Ar noa do dos ńutumte samaṅokʼakʼ kana. Ona chaḍa dhorom reakʼ sekel lekate tinạkʼ rupạte bheḍawakʼ dam ṭhik dohokʼ unạkʼ rupạ do khuti purun lekate uni emae hoyokʼtaea.

Levitikus 5:17

“Jãhãe begor baḍaete Probhu Isore mana akatʼ reakʼ jãhãnakʼe cekae enḍekhan uni do dusireye paṛaokʼa ar onate uni do dạyireye paṛaokʼa.

Levitikus 7:18

Ar tesar hilokʼ hõ ona jel jomogokʼ enḍekhan Probhu Isor do ona samaṅakʼ bae ataṅa. Ar samaṅ akatʼicʼakʼ hõ ona do baṅ ataṅokʼtaea, ente ona jel do unre chutakʼ jinisge hoyokʼa. Ar okoe ona jele jom uni do ona kại lạgitʼ dạyike tahena.

Numeri 9:13

Menkhan besapha hoṛe baṅkan se daṛan horren hoṛ hõe baṅkan ar bańcaokʼ porob bae manao, enḍekhan uni do niṭ akatʼ oktere Probhu Isor ńutumte bae samaṅletʼte acʼakʼ jạtrenko khone marao ocokʼa. Uni do acʼakʼ kại reakʼ kuṛạiye ńama.

Mathae 26:63

Menkhan Jisu do hapegeye tahẽyena. Maraṅ naeke do arhõe metadea, “Jiwetʼ Isorreń kiriạ ocoyetʼme kana, lạiyaleme, am do Mạsi, Isorren Hopon kanam se baṅ?”

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Bikʼcạrko 17:2

Uni do eṅgattetʼe metadea, “Amakʼ oka gelpe keji bar sae gram rupạ kombṛolentam ar okaṭakʼ lạgitʼ sarap emokʼ iń ańjomletʼme ona do iń ṭhenge menakʼa, ona do ińgeń hataoleda.” Unre uniren eṅgattetʼ doe menkeda, “E beṭa, Probhu Isore bhoramma!”