Levitikus 4:3 - সান্তালী বাইবেল

³ “Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Levitikus 4:3 Iomraidhean Croise

2 Bõsbudạ 29:21

Onko do rajosṭi lạgitʼ, mundil oṛakʼ lạgitʼ ar Jihudạ hoṛko lạgitʼ kại samaṅokʼakʼ lekate eae goṭen ḍaṅgra, eae goṭen bheḍa, eae goṭen bheḍa hopon ar eae goṭen meromko ạguketʼkoa. Ona tayom raj do naekeko, metakʼme Aronren bõsko Probhu Isorakʼ pinḍ cetanre onko samaṅko lạgitʼe hukumkeda.

Esra 8:35

Bondi dosa khon ruạṛ hecʼen hoṛko do Israelren Isor ńutumte jeredokʼ samaṅokʼakʼko samaṅkeda. Onko do goṭa Israel jạtrenko lạgitʼ gelbar goṭen ḍaṅgra, aregel turui goṭen bheḍa, eaegel eae goṭen bheḍa hopon ar kại ńutumte samaṅokʼakʼ lạgitʼ gelbar goṭen meromko emena. Noko jotoge Probhu Isor ńutumte jeredokʼ samaṅokʼakʼ mente em hoyena.

Exodus 29:14

Menkhan uni ḍaṅgrawakʼ jel, harta ar gubriko do Israelkoakʼ ḍera barhete idikatem atar giḍikakʼa. Noa do kại ńutumte mitʼṭecʼ samaṅokʼakʼ kana.

Exodus 29:21

Ona tayom ojokʼ bahalokʼakʼ thoṛa sunum ar pinḍ khon thoṛa mãyãm hataokate Aron ar uniren hoponkoakʼ kicricʼrem irciya. Onate kicricʼ sudhạ uni ar uniren hopon do iń ńutumteko begar ocokʼa.

Exodus 29:7

Ar ona tayom do ojokʼ bahale reakʼ sunum bohokʼrem dulaea arem ojokʼ bahalea.

Exodus 30:10

Puruchun lạgitʼ kại ńutumte samaṅokʼakʼ mãyãm do pinḍ reakʼ dereńkorem ojokʼakʼa ar Aron do bochorre mitʼ dhao pinḍe saphaea. Ar nonkate maraṅ naeke do piṛhike piṛhi bochorre mitʼ dhao noa kạmi hoyokʼtaea. Noa do Probhu Isor ńutumte sonot utạrakʼ pinḍ kana.”

Jeheskel 40:39

Phaṭok duạrte bolokʼ kandha reakʼ banarsa aṛerege bareakate ṭebil tahẽkana. Onako cetanre do jeredokʼ samaṅokʼakʼ, puruchun lạgitʼ samaṅokʼakʼ ar dos samaṅokʼren janwarkoakʼ jel getʼkateko dohoyetʼ tahẽkana.

Jeheskel 43:19

Sadok bõsren naekeko okoe do ińakʼ sekʼwae lạgitʼ iń ṭhenko hijukʼ onko do mitʼṭen ạnḍiạ ḍaṅgra samaṅokʼ lạgitʼem emakoa.

Jeheskel 44:27

Ona tayom oka hilokʼ uni do sekʼwa kạmi lạgitʼ mundil oṛakʼ reakʼ bhitri racateye bolokʼa un hilokʼ do apnar lạgitʼ kại ńutumte samaṅokʼakʼ samaṅ hoyokʼtaea. Noa do iń Probhu Isorgeń menetʼkana.

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 16:11

“Aron do acʼ ar acʼ bõsrenkoakʼ kại ńutumte puruchun lạgitʼ ạguakade uni ḍaṅgrae gurea.

Levitikus 16:3

“Ar onḍe bolokʼ lahare jemon nonkae sapṛaokʼ. Uni do kại ńutumte samaṅokʼakʼ lạgitʼ mitʼṭen ḍaṅgra ar jeredokʼ samaṅokʼakʼ lạgitʼ mitʼṭen bheḍae ạguiye.

Levitikus 16:5

Kại ńutumte samaṅokʼakʼ lạgitʼ uni do Israelko ṭhen khon barea merom boda ar jeredokʼ samaṅokʼakʼ lạgitʼ mitʼṭen bheḍae hataoea.

Levitikus 16:6

Ar Aron do acʼ ar acʼ bõsrenkoakʼ puruchun lạgitʼ kại ńutumte samaṅokʼren ḍaṅgrae samaṅea.

Levitikus 4:14

Ar tinreko bujhạu daṛeakʼa baṅmako kại akada unre onko do kại ńutumte dãṛẽye lạgitʼ mitʼṭen ḍaṅgra ńapamokʼ tạmbu samaṅre ạguiye hoyokʼtakoa.

Levitikus 4:23

Ar tinre uniyakʼ behokakʼ udukʼaea unre uni do samaṅokʼ lạgitʼ mitʼṭen niphuṭ utạricʼ merom boda ạguiye hoyokʼtaea.

Levitikus 4:28

Ar tinre uniyakʼ kại reakʼ udukʼaea unre uni do samaṅokʼ lạgitʼ mitʼṭen niphuṭicʼ merome ạguyea.

Levitikus 4:5

Ona tayom maraṅ naeke do uni ḍaṅgrawakʼ thoṛa mãyãm hataokate ńapamokʼ tạmbuteye adera.

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 6:18

Aron bõsren sanam herel hoponkoge ona doko jom daṛeakʼa. Probhu Isor ńutumte seṅgelre samaṅokʼakʼ jinis reakʼ noa hĩs do piṛhike piṛhi onkoakʼge hoyokʼa. Ar jãhãege ona hĩse joṭed uni do Probhu Isor ńutumte begarokʼ hoyokʼtaea.”

Levitikus 8:12

Ona tayom uni do ojokʼ bahalokʼ reakʼ thoṛa sunum hataokate Aronakʼ bohokʼreye dulkeda ar Probhu Isor ńutumteye ojokʼ bahalkedea.

Levitikus 9:2

Uni do Arone metadea, “Kại ńutumte samaṅokʼakʼ lạgitʼ am do mitʼṭen ạnḍiạ mĩhũ ar jeredokʼ samaṅokʼ lạgitʼ mitʼṭen bheḍam ạguyea ar unkin do Probhu Isor samaṅrem dohokinạ. Unkin do jemon niphuṭ utạrkin hoyokʼ.

Levitikus 9:3

Ar Israelkom metakoa jemon onko do Probhu Isor samaṅre kại ńutumte samaṅokʼ lạgitʼ mitʼṭen merom, jeredokʼ samaṅokʼ lạgitʼ mitʼṭen mĩhũ ar mitʼṭen bhiḍi hopon ar sulukren samaṅokʼ lạgitʼ mitʼṭen ḍaṅgra ar mitʼṭen bheḍako ạguko. Mĩhũ ar bheḍa hopon banarge jemon mitʼ bochor umerrenkin hoyokʼ ar jemon unkin do niphuṭ utạrkin hoyokʼ. Ar onko sãote jemon sunum mesalakatʼ jomakʼ samaṅokʼakʼ reakʼ jinis hõko ạgu darae. Noako nonkae hoyokʼtakoa ente Probhu Isor do onko ṭhene ńel ocokʼa.”

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Numeri 8:8

Ona tayom onko do mitʼṭen ḍaṅgra ar uni sãote jomakʼ samaṅokʼakʼ lạgitʼ sunumre sipiyakʼ holoṅko ạguiya. Ar am do kại ńutumte samaṅokʼakʼ lạgitʼ armitʼṭen ḍaṅgram hataoea.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ibriko 5:3

Uni do cetʼleka eṭakʼ hoṛkoakʼ kại lạgitʼ janware dãṛẽyedekan onkage acʼ apnartetʼ hõe nijorgete apnar lạgitʼ hõ ona dãṛẽ samaṅ hoyokʼtaea.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.