Levitikus 4:21 - সান্তালী বাইবেল

²¹ Naeke do uni ḍaṅgrawakʼ sarecʼakʼ hạṭińko ḍera bahreteye oḍok idiya ar kại ńutumte samaṅokʼicʼ eṭakʼ ḍaṅgra lekageye atareya. Ar noage goṭa Israel jạtrenkoakʼ kại ńutumte samaṅokʼakʼ do hoyokʼa.

Levitikus 4:21 Iomraidhean Croise

Esra 8:35

Bondi dosa khon ruạṛ hecʼen hoṛko do Israelren Isor ńutumte jeredokʼ samaṅokʼakʼko samaṅkeda. Onko do goṭa Israel jạtrenko lạgitʼ gelbar goṭen ḍaṅgra, aregel turui goṭen bheḍa, eaegel eae goṭen bheḍa hopon ar kại ńutumte samaṅokʼakʼ lạgitʼ gelbar goṭen meromko emena. Noko jotoge Probhu Isor ńutumte jeredokʼ samaṅokʼakʼ mente em hoyena.

Exodus 29:14

Menkhan uni ḍaṅgrawakʼ jel, harta ar gubriko do Israelkoakʼ ḍera barhete idikatem atar giḍikakʼa. Noa do kại ńutumte mitʼṭecʼ samaṅokʼakʼ kana.

Jeheskel 45:22

Enhilokʼ disạm cakʼlaoyicʼ do acʼ ar disạmren sanam hoṛko lạgitʼ kại ńutumte samaṅokʼ lekate mitʼṭen ḍaṅgra emokʼ hoyokʼtaea.

Levitikus 16:15

“Ar ona tayom uni do hoṛkoakʼ kại ńutumte samaṅ akade merom bodae gurea ar uniyakʼ mãyãm do orwal bhitri secʼe adera ar ḍaṅgra mãyãmte okae cekaletʼ onkage nui bodawakʼ mãyãmte hõe onkaea. Ar sinduk reakʼ daya duṛupʼakʼre ar samaṅ secʼre ona mãyãme irciyakʼa.

Levitikus 16:21

Ar acʼakʼ banar ti do uni merom bodawakʼ bohokʼreye dohoya ar Israelkoakʼ sanam behokakʼ ar bebatao, metakʼme onkoakʼ sanam ghạṭko reakʼ aṅgockate merom bodawakʼ bohokʼreye ladewaea. Ar ona kạmi lạgitʼe sapṛao akan hoṛ hotete uni do hahaṅkarteye kolgotʼkaea.

Levitikus 16:27

Kại reakʼ puruchun lạgitʼ kại ńutumtekin samaṅakan ḍaṅgra ar merom boda one unkinakʼ mãyãm do sonot utạrakʼ ṭhạ̃ire aderen, unkin do ḍera bahrete idikate harta, jel ar gubri sudhạ atar giḍikạkin hoyokʼa.

Levitikus 4:13

“Ar goṭa Israel jạtrenko bạṛicʼakʼ reakʼ monsubạ doho baṅkate Probhu Isore mana akatʼ jãhãnakʼge begor baḍaeteko onkae enḍekhan onko do ona bako baḍae akatʼre hõ dusiko hoyokʼa.

Levitikus 6:11

Ar ona tayom uni do kicricʼ bodolkate ḍera bahre sapha ṭhạ̃ire ona torocʼe idiya.

Levitikus 6:23

Naeke ạguwakʼ jomakʼ samaṅokʼakʼ do jotoge atar cabae hoyokʼa; ona do baṅ jomogokʼa.”

Levitikus 8:17

Menkhan ḍaṅgrawakʼ jel, harta ar gubriko do ḍera bahrete idikateye atar giḍikada. Mose do jotowakʼge Probhu Isorakʼ hukum lekae kạmikeda.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ibriko 13:11

Kại ńutumte dãṛẽ samaṅ akatʼ janwarakʼ mãyãmante Israelren maraṅ naeke do sonot utạrakʼ jaegateye calakʼkan tahẽkana, menkhan janwarkoakʼ hoṛmo do Israelkoakʼ tahen jaega khon bahrete idikateko atar giḍikakʼkan tahẽkana.