Levitikus 3:9 - সান্তালী বাইবেল

⁹ Probhu Isor ńutumte seṅgelre samaṅokʼ reakʼ porob lạgitʼ samaṅedekạnicʼ do noa sulukren samaṅokʼ janwarakʼ thoṛa hĩsko oḍokkate naeke emae hoyokʼtaea. Noako hĩs do hoyokʼkana uni janwarakʼ itil, itilte perecʼ canḍbol, lacʼ bhitri reakʼ eṭakʼ eṭakʼ hĩs reakʼ itil ar onako sãote jalatʼmitʼ akan itil,

Levitikus 3:9 Iomraidhean Croise

2 Samuel 6:17

Probhu Isorakʼ sinduk ạgukate onko do Dạude beretʼakatʼ tạmbureko dohokeda. Ar Dạud do unre Probhu Isor ńutumte jeredokʼ samaṅokʼakʼ ar sulukren samaṅokʼakʼe samaṅkeda.

1 Rapajko 3:15

Inạ tayom Solomon doe ebhenena are bujhạukeda, uni doe kukmũkan tahẽkana. Tayomte Solomon do Jerusalemteye ruạṛ calaoena ar Probhu Isorakʼ goha tạmbu samaṅreye teṅgoyena ar ạḍi utạr janwarkote jeredokʼ samaṅokʼakʼ ar sulukren samaṅokʼakʼe samaṅkeda. Ar ona tayom do acʼren sanam kạmiyạko lạgitʼ mitʼṭecʼe bhojkeda.

1 Rapajko 8:63

Solomon raj do bargel bar hajar ḍaṅgra ar mitʼ lakh bargel hajar bheḍate sulukren samaṅokʼakʼ porobe porobena. Nonkate raj ar sanam Israelko do Probhu Isorakʼ oṛakʼko uḍhạukeda.

1 Rapajko 8:64

Ar Solomon do enhilokʼge Probhu Isorakʼ oṛakʼ reakʼ samaṅ senakʼ raca reakʼ tala hĩs do Probhu Isor ńutumteye begar dohokeda ar onḍe uni do jeredokʼ samaṅokʼakʼ reakʼ porobe porobena ar sulukren samaṅokʼakʼ reakʼ itile samaṅkeda, ente pitạl reakʼ okaṭakʼ pinḍe benaoletʼ tahẽkan ona do jeredokʼ samaṅokʼakʼ ar anaj samaṅokʼakʼ ar itil samaṅokʼakʼ lạgitʼ do huḍińge tahẽkana.

1 Bõsbudạ 16:1

Probhu Isorakʼ sinduk ạgukate ona do Dạude beretʼakatʼ tạmbureko dohokeda. Ar inạ tayom do Isor samaṅre jeredokʼakʼ samaṅakʼ ar sulukren samaṅakʼko samaṅkeda.

Exodus 29:22

“Ona tayom uni bheḍawakʼ itil, canḍbol reakʼ itil, lacʼ poṭa cetan reakʼ itil, im cetan reakʼ ganthar ar banar kunḍi ar onakinre menakʼ itil ar phạṛi akatʼ jojom bulu hõm hataoa. Nui do sid emokʼren mitʼṭen bheḍage.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Levitikus 17:5

Israelkoren okoeko janwar ṭạnḍireko samaṅokʼkan onko do Probhu Isor ṭhen ạguko reakʼ hukum emakana. Ar onko do ńapamokʼ tạmbu reakʼ duạr ṭhen Probhu Isor ńutumte sulukren samaṅokʼakʼ menkate samaṅko hoyokʼa.

Levitikus 7:3

Ar uniyakʼ sanam itilko do samaṅ hoyokʼa, metakʼme itilte perecʼ canḍbol, lacʼ bhitri hĩsko reakʼ itil,

Levitikus 8:25

Uni do bheḍawakʼ itil, canḍbol reakʼ itil, lacʼ poṭa cetan reakʼ itil, im cetan reakʼ ganthar, ar itilte esetʼ banar kunḍi ar jojomsa bulu reakʼ phạṛiye hataokeda.

Levitikus 9:19

Menkhan uni ḍaṅgra se bheḍawakʼ sanam itilko, metakʼme canḍbol reakʼ itil, lacʼ bhitri reakʼ itil, banar kunḍi ar gantharko do koṛam reakʼ jel cetanreko dohokeda, ar Aron do onako itil hataokate pinḍ cetanreye jeretʼkeda.

Numeri 7:88

Sulukren samaṅokʼakʼ lạgitʼ do jotote bargel ponea ḍaṅgra, turui gel bheḍa, turui gel merom boda ar turui gel mitʼ bochor umerren bheḍa hopon. Noako do pinḍ ojokʼ bahal tayom samaṅokʼakʼ lạgitʼ ar sanamakʼ sandes lạgitʼko ạgu ocolena.

1 Samuel 10:8

“Am do iń lahate Gilgolte pheḍ calakʼme. Iń do jeredokʼ ar sulukren samaṅokʼakʼ samaṅ lạgitʼ am ṭheniń hijukʼkana. Ar iń ạuriń hijukʼ hạbicʼ am do eae din iń hạbicʼem koyokʼ hora. Ar iń do hecʼkateń lạiyama cetʼ cekae hoyokʼtama.”