Levitikus 3:5 - সান্তালী বাইবেল

⁵ Onako do pinḍ reakʼ jolokʼkan sahan cetanre one okare jeredokʼ samaṅokʼakʼ jolokʼkan ona cetanre Aronren hoponko do onako jeretʼ cabaya. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 3:5 Iomraidhean Croise

1 Rapajko 8:64

Ar Solomon do enhilokʼge Probhu Isorakʼ oṛakʼ reakʼ samaṅ senakʼ raca reakʼ tala hĩs do Probhu Isor ńutumteye begar dohokeda ar onḍe uni do jeredokʼ samaṅokʼakʼ reakʼ porobe porobena ar sulukren samaṅokʼakʼ reakʼ itile samaṅkeda, ente pitạl reakʼ okaṭakʼ pinḍe benaoletʼ tahẽkan ona do jeredokʼ samaṅokʼakʼ ar anaj samaṅokʼakʼ ar itil samaṅokʼakʼ lạgitʼ do huḍińge tahẽkana.

2 Bõsbudạ 35:14

Ona tayom onko do apnar ar naekeko lạgitʼko bebostakeda, ente naekeko, metakʼme Aronren bõsko do jeredokʼ samaṅokʼakʼ jinisko ar itilko ńindạ hạbicʼko samaṅkeda. Ona iạte Liwiko do apnar ar Aron bõsren naekeko lạgitʼko bebostawana.

Exodus 29:13

Ona tayom lacʼ poṭae dapal akatʼ itil ar im cetan reakʼ gantharko ar banar kunḍi ar onakinre menakʼ itil sudhạm hataoa ar onako do pinḍ cetanrem atar giḍikakʼa.

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:17

Uni do phạ̃kṛạ̃kʼre sapʼkate nonkae phạṛiyea jemon aloe topage. Ar ona tayom naeke do pinḍre jolokʼkan seṅgelreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 3:11

Naeke do noako samaṅokʼakʼ reakʼ jomakʼ mente pinḍreye jereda. Noa do Probhu Isor ńutumte seṅgelteakʼ jeredokʼ samaṅokʼakʼ kana.

Levitikus 3:4

banar kunḍi ar ona sãote ḍanḍa ṭhenakʼ itilko ar kunḍi sãote oḍok akatʼ inboro cetan reakʼ gantharko.

Levitikus 4:31

Ar sulukren samaṅ akade janwarakʼ itil oḍok lekage nui samaṅ akade janwarakʼ itile oḍoktaea ar pinḍ cetanreye jeretʼ cabaya. Ar noa reakʼ jut so Probhu Isor doe kusiyakʼa. Nonkate naeke do uni hoṛakʼe puruchuna ar uniyakʼ kại do ikạkʼtaea.

Levitikus 4:35

Ar sulukren samaṅokʼicʼ bhiḍiyakʼ itil oḍok lekage uni do uniyakʼ hõ sanam itilkoe oḍoka. Ar ona tayom Probhu Isor ńutumte seṅgelteakʼ samaṅokʼakʼ mente uni do ona itilko pinḍ cetanreye jereda. Nonkate naeke do uni hoṛakʼe puruchuna ar onate uniyakʼ kại do ikạkʼtaea.

Levitikus 6:12

Menkhan pinḍ cetan reakʼ seṅgel do jol dohokakʼge hoyokʼa, ona do baṅge ĩṛĩcʼ ocowakʼ hoyokʼa. Din hilokʼ setakʼ bela naeke do ona seṅgel cetanre sahane emakʼa ar onare jeredokʼ samaṅokʼakʼe dohoyte sulukren samaṅokʼakʼ reakʼ itilkoe jereda.

Levitikus 7:28

Probhu Isor do Mose Israelko galmaraoakoe metadea, “Jãhãege Probhu Isor ńutumte sulukren samaṅokʼ lạgitʼ jãhãn janware ạguiye uni do mitʼ hĩs Probhu Isor ńutumte emokʼ hoyokʼtaea.

Levitikus 9:17

Setakʼ bela reakʼ jeredokʼ samaṅokʼ chaḍa uni do jomakʼ samaṅokʼ lạgitʼ ạguakʼ jinis khon thoṛa hataokate pinḍ cetanreye atarkeda.

Numeri 15:8

Jeredokʼ samaṅokʼakʼren se bises manotakʼ samaṅokʼakʼ se sulukren samaṅokʼakʼ lạgitʼ iń ṭhen ḍaṅgrape ạguye khan,

Numeri 18:17

Menkhan pạhile janam akan nonkan ạnḍiạ ḍaṅgra se bheḍa se merom boda hopon chaḍaoko do baṅ ganokʼa. Noko doko sonotgea. Am do pinḍ cetanre onkoakʼ mãyãmem irciya ar seṅgelre samaṅokʼakʼ lekate onkoakʼ itilem jereda. Noa reakʼ jut so Probhu Isor doe kusiyakʼa.

Numeri 28:12

Jomakʼ samaṅokʼakʼ lạgitʼ mimitʼ ḍaṅgra sãote sunumre sipiyakʼ mõṛẽ keji ponsae gram holoṅ emokʼ hoyokʼa; ar bheḍa sãote do pe keji turui sae gram ar mimitʼ bheḍa hopon sãote mitʼ keji irạl sae gram holoṅ lagaokʼa. Noa do Probhu Isor ńutumte jeredokʼ samaṅokʼakʼ kana, seṅgelteakʼ mitʼṭecʼ samaṅokʼakʼge one ona reakʼ jut so do Probhu Isore kusiyakʼkan.

Numeri 28:3

Uni do noako hukumako lạgitʼ hõe metadea, “Seṅgelteakʼ samaṅokʼakʼ lạgitʼ Probhu Isor samaṅre din hilokʼ reakʼ jeredokʼ samaṅokʼakʼ lạgitʼ aperen mitʼ bochor umerren barea niphuṭ utạr bheḍa hopon ạgukin hoyokʼtapea.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.