Levitikus 3:2 - সান্তালী বাইবেল

² Samaṅetʼkạnicʼ do ạgu akade janwarakʼ bohokʼre acʼakʼ tiye dohoytaea ar ńapamokʼ tạmbu reakʼ duạr thene gureya. Ona tayom Aronren hoponko, metakʼme naeke do ona mãyãm hataokate pinḍ beṛhaeteko irciyakʼa.

Levitikus 3:2 Iomraidhean Croise

Exodus 29:10

“Ar uni ḍaṅgra do ńapamokʼ tạmbu samaṅrem ạguyea, ar Aron ar uniren hoponko do uni ḍaṅgrawakʼ bohokʼre akoakʼ tiko dohoytakoa.

Exodus 29:11

Ona tayom ńapamokʼ tạmbu reakʼ duạr ṭhen Probhu samaṅre ḍaṅgram magea.

Exodus 29:15

“Ona tayom unkin bheḍakin modre mitʼṭenem ạguyea. Aron ar uniren hoponko do uni bheḍawakʼ bohokʼre akoakʼ tiko dohoytakoa.

Exodus 29:16

Inạ tayom uni bheḍam mageya ar uniyakʼ mãyãm hataokate pinḍ beṛhaetem irciwakʼa.

Exodus 29:19

“Ar uni eṭagicʼ bheḍa hõm hataoea ar Aron ar uniren hoponko do uniyakʼ bohokʼ cetanre akoakʼ tiko dohoytakoa.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Levitikus 1:11

Ar samaṅetʼkạnicʼ do pinḍ reakʼ utạr secʼre idikate Probhu Isor ńutumteye magea, ar Aronren hoponko do uniyakʼ mãyãm hataokate pinḍ beṛhaeteko irciyakʼa.

Levitikus 17:3

Israel gharońjrenko modren jãhãe hoṛ ḍaṅgra se merom se bheḍa dãṛẽye monejoṅ enḍekhan uni do Probhu Isorakʼ ḍera tạmbu samaṅre, metakʼme ńapamokʼ tạmbu reakʼ duạr ṭhen Probhu Isor ńutumte samaṅokʼakʼ menkate dãṛẽye hoyokʼa. Ar onka baṅkate jãhãe ḍera talare se ḍera bahrereye dãṛẽye enḍekhan uni do mãyãm iạte dạyireye paṛaokʼa. Ar ona mãyãm khạtirte acʼakʼ jạtrenko khone meṭao ocokʼa.

Levitikus 3:3

Probhu Isor ńutumte seṅgelre samaṅokʼakʼ lạgitʼ samaṅetʼkạnicʼ do sulukren samaṅokʼicʼ janwar khon thoṛa hĩs naekeye emakoa. Noako hĩs do hoyokʼ kana janwarakʼ lacʼ bhitri reakʼ judạ judạ hĩsko reakʼ itil ar onako sãote ganthar reakʼ itilko,

Levitikus 3:8

Uni do bheḍa hoponakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ona tayom Aronren hoponko do uni reakʼ mãyãm hataokate pinḍ beṛhaeteko irciyakʼa.

Levitikus 8:22

Ona tayom uni do eṭakʼ bheḍa, metakʼme samaṅokʼren bheḍae ạgukedea. Unre Aron ar uniren hoponko do uni bheḍa cetanre akoakʼ tiko dohoketʼtakoa.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Numeri 18:17

Menkhan pạhile janam akan nonkan ạnḍiạ ḍaṅgra se bheḍa se merom boda hopon chaḍaoko do baṅ ganokʼa. Noko doko sonotgea. Am do pinḍ cetanre onkoakʼ mãyãmem irciya ar seṅgelre samaṅokʼakʼ lekate onkoakʼ itilem jereda. Noa reakʼ jut so Probhu Isor doe kusiyakʼa.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.