Levitikus 3:11 - সান্তালী বাইবেল

¹¹ Naeke do noako samaṅokʼakʼ reakʼ jomakʼ mente pinḍreye jereda. Noa do Probhu Isor ńutumte seṅgelteakʼ jeredokʼ samaṅokʼakʼ kana.

Levitikus 3:11 Iomraidhean Croise

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Levitikus 21:17

“Am do Aron metaeme, hoṛmore dos menakʼ nonkan okoehõ Isor ńutumte jomakʼ samaṅokʼakʼ lạgitʼ pinḍ ṭhen alo jemonko calakʼ.

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Levitikus 21:8

E Israelko, naekeko Isor ńutumte begar doho akan hoṛ mente bujhạukope, ente onko do aperen Isor ńutumte jomakʼ samaṅokʼakʼ reakʼko kạmikana. Onate begar akan hoṛ menkate hudiskope, ente iń Probhu Isor doń sonotgea ar iń lạgitʼge ape doń begar dohoakatʼpea.

Levitikus 22:25

Eṭakʼ jạtrenkoakʼ jãhãe hoṛakʼ ti khon nonkan janwar hataokate aperen Isor ńutumte jomakʼ samaṅokʼakʼ menkate alope samaṅkoa. Onkore dos menakʼte jãhãn bhạlạiyrege bako lagaokʼa.”

Levitikus 3:16

Naeke do noako samaṅokʼakʼ jomakʼ lekate pinḍ cetanreye jereda. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan. Ar samaṅ akade janwarakʼ itil do jotoge Probhu Isorakʼ kana.

Levitikus 3:5

Onako do pinḍ reakʼ jolokʼkan sahan cetanre one okare jeredokʼ samaṅokʼakʼ jolokʼkan ona cetanre Aronren hoponko do onako jeretʼ cabaya. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan.

Malaki 1:12

Menkhan ape do ińakʼ ńutumpe bemanot akada, entepe meneda, ‘Probhu Isorakʼ ṭebil do baṅ saphaoa ar ona cetan reakʼ jomakʼko hõ bạṛicʼgea.’

Malaki 1:7

Ape do ińakʼ pinḍ cetanre besaphawakʼ jomakʼ dohokate ińpe nihạ̃t giḍi akadińạ. Menkhan apepe meneda, ‘onate do cetʼ besaphayicʼem hoyakana?’ Apege, ‘Probhu Isorakʼ ṭebil do hirkhạwakʼ lek kana mentepe menetʼ khan,’ apege coṅ iń ma besaphayicʼpe mitạń kan.

Numeri 28:24

Nonkage eae din hạbicʼ din hilokʼge Probhu Isor kusi ocoye reakʼ jut so lekate noako jomakʼte seṅgelteakʼ samaṅokʼakʼ mente samaṅ hoyokʼa. Ar jaoge okaṭakʼ jeredokʼ samaṅokʼakʼ ar ona sãoteakʼ coḍorokʼ samaṅokʼakʼ menakʼ ona hõ samaṅ hoyokʼa.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

1 Korinthiko 10:21

Probhu Isorakʼ bạṭi khon ar bạṛicʼ jiukoakʼ bạṭi khon, noa banar khon do baṅgepe jom daṛeakʼa. Probhu Isorakʼ mej cetanre ar bạṛicʼ jiukoakʼ mej cetanre oka menakʼ ona banar reakʼ bakhra do ohogepe jom daṛelea.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.