Levitikus 3:1 - সান্তালী বাইবেল

¹ “Jãhãege Probhu Isor ńutumte jãhãn sulukren samaṅokʼakʼ samaṅe menetʼ khan ar uniren samaṅicʼ do pal ḍaṅgrako khone ạgu ocokʼ khan, uni do eṅga se ạnḍiạ jãhãnicʼkangeye jemon niphuṭ utạricʼe hoyokʼ.

Levitikus 3:1 Iomraidhean Croise

1 Bõsbudạ 21:26

Dạud do onḍe Probhu Isor ńutumte mitʼṭecʼ pinḍe benaokeda ar jeredokʼ samaṅokʼakʼ ar sulukren samaṅokʼakʼe samaṅkeda. Uni do Probhu Isor ṭhene nehõrena ar Probhu Isor do jeredokʼ samaṅokʼakʼ pinḍ cetanre serma khon seṅgele kolkeda.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Exodus 29:28

Nonkate Israelkoakʼ samaṅokʼakʼ sulukren sanam samaṅokʼakʼ niạko hĩs do jaoge Aron ar uniren hoponko em ocokʼa. Niạ hĩskoge Probhu Isor ńutumte Israelkoakʼ sandes do hoyokʼa.

Kạhtukko 7:14

“Ińakʼ oṛakʼre dãṛẽko reakʼ jel menakʼa, teheńge iń do dãṛẽń samaṅ akatʼa.

Jeheskel 43:27

Niạko din mucạtʼlen khan irạl din hilokʼ khon naekeko do ona pinḍ cetanre apeakʼ jeredokʼ ar helmel samaṅokʼakʼ porobko hoeocoya. Unre iń do apeń ataṅpea. Iń Probhu Isorge noa katha doń menetʼkana.”

Jeheskel 45:15

Israel disạm talare bhage jumireko ạtiń nonkan mimitʼ barsae bhiḍi-merom khon mitʼṭen hopon emokʼ hoyokʼtapea. Hoṛkoakʼ kại puruchun lạgitʼ noako do anaj samaṅokʼakʼ, jeredokʼ samaṅokʼakʼ ar sulukren samaṅokʼ lạgitʼko beoharokʼa.

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 17:5

Israelkoren okoeko janwar ṭạnḍireko samaṅokʼkan onko do Probhu Isor ṭhen ạguko reakʼ hukum emakana. Ar onko do ńapamokʼ tạmbu reakʼ duạr ṭhen Probhu Isor ńutumte sulukren samaṅokʼakʼ menkate samaṅko hoyokʼa.

Levitikus 3:6

“Probhu Isor ńutumte sulukren samaṅokʼakʼ lạgitʼ jãhãe ḍaṅgra se bheḍae samaṅe enḍekhan uni do ạnḍiạ se eṅga jãhãnicʼkangeye uni do niphuṭ utạricʼ hoyokʼ jạruṛa.

Levitikus 9:18

Uni do hoṛkoren sulukren samaṅokʼicʼ ḍaṅgra ar bheḍae dãṛẽketʼkinạ. Ar acʼren hoponko do uni reakʼ mãyãmko soradea ar uni do pinḍ beṛhaeteye irciwada.

Amos 5:22

Ape do iń ńutumte jeredokʼ samaṅokʼakʼ ar jomakʼ samaṅokʼakʼpe samaṅrele hõ iń do ona bạń ataṅtapea. Ape do lodgopʼ janwarkote sulukren samaṅokʼakʼpe samaṅạńre hõ samaṅạńre hõ ona secʼ do bạń beṅgeda.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Malaki 1:8

Janwar samaṅokʼakʼ porob lạgitʼ ape do kãṛã janwarante tinrepe hijukʼkana unre ona do cetʼ apeakʼ behokakʼ do baṅkana? Ape do tinre leḍha ar ruạkʼkan janwarkote samaṅokʼakʼ porobpe porobokʼ kana, unre cetʼ ona do behokakʼ do baṅkana? Aperen disạm cakʼlaoko ṭhen onakope samaṅle khan uni do cetʼ apereye kusikokʼgea? Uni do cetʼ bae nihạ̃t giḍikepea? Iń phạdkoren Probhu Isorge apeń kuliyetʼpea.”

Numeri 15:8

Jeredokʼ samaṅokʼakʼren se bises manotakʼ samaṅokʼakʼ se sulukren samaṅokʼakʼ lạgitʼ iń ṭhen ḍaṅgrape ạguye khan,

Numeri 6:14

Ar onḍe Probhu Isor ńutumte samaṅokʼakʼ lekate jeredokʼ samaṅokʼakʼ lạgitʼ mitʼ bochor umerren mitʼṭen niphuṭ utạricʼ bheḍa hopon, kại ńutumte samaṅokʼakʼ lạgitʼ mitʼṭen mitʼ bochor umerren niphuṭ utạricʼ bhiḍi hopon ar sulukren samaṅokʼ lạgitʼ mitʼṭen niphuṭ utạricʼ bheḍa ạguiye hoyokʼtaea.

Numeri 7:17

sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko joto do Aminadabren hopon Nahasonren sandesko tahẽkana.

Numeri 7:59

sulukren samaṅokʼakʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Pedasurren hopon Gamalielren sandesko tahẽkana.

Dosar Biboron 12:27

Aperen Probhu Isorakʼ pinḍ cetanre apeakʼ jeredokʼ samaṅokʼakʼ reakʼ jel ar mãyãmpe samaṅa. Aperen Probhu Isorakʼ pinḍre aperen samaṅicʼ janwarakʼ mãyãmpe dula, menkhan uniyakʼ jel dope jom daṛeakʼa.

Kolossiko lạgitʼ Pạul Apostolakʼ ciṭhi 1:20

Ona chaḍa dhạrtirege cetʼ ar sermarege cetʼ, Mạsi hotete jotowakʼge acʼ tulucʼ samge ocoy lạgitʼe goṭaleda. Mạsi do kurusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoyakana.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

1 Johan 1:3

Okoe alele ńelakade ar okoeyakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭecʼ helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

Bikʼcạrko 20:26

Unre Israelren sanam hoṛ do arhõ Bethelte senkate Probhu Isor samaṅre duṛupʼkate rarakʼko ehopʼena. Enhilokʼ onko do ạyupʼ hạbicʼko upạskeda ar Probhu Isor ńutumte jeredokʼ ar sulukren samaṅokʼakʼko samaṅkeda.

Bikʼcạrko 21:4

Dosar hilokʼ ạḍire hoṛko do mitʼṭecʼ pinḍko benaokeda ar jeredokʼ samaṅokʼakʼ ar sulukren samaṅokʼakʼko samaṅkeda.