Levitikus 26:8 - সান্তালী বাইবেল

⁸ Ape do eken mõṛẽ hoṛte mitʼsae bạiriko ar mitʼsae hoṛte gel hajar bạiripe laga ńirkoa, ar bạiriko do ape samaṅreko gujukʼa.

Levitikus 26:8 Iomraidhean Croise

1 Bõsbudạ 11:20

Joabren boeha Abisae do onko pene hoṛren subedare tahẽkana. Uni do borlomte pesae hoṛe gocʼletʼkoa ar uni hõ onko pene birbanṭako leka ńutume hạran tahẽkana.

Ester 9:16

Inạko dinre rajakʼ tabe disạmren sarecʼ Jihudiko hõ akoakʼ jiwi rukhiyạitako lạgitʼ ar onkoren bạirikoakʼ ti khon rukhiyạ ńam lạgitʼ mitʼ ṭhenko jarwayena. Onko do akoren eae gel mõṛẽ hajar bạiriko gocʼketʼkoa menkhan jinisko do bako luṭletʼtakoa.

Levitikus 26:7

Aperen bạirikope laga ńirkoa ar onko do ape samaṅreko gujukʼa.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Numeri 14:9

Menkhan ape do Probhu Isor upạrte alope hula. Ona disạmren hoṛ hõ alope botorakoa; ente onko do bon kedokʼ mańjan daṛeakogea. Onko do ohogeko rukhiyạ daṛelena. Alogepe botorakoa ente Probhu Isor do abo soṅgere menaea.”

Numeri 31:4

Ape do Israelren mimitʼ gusṭi khon mitʼ hajarkate hoṛko hataokate lạṛhạipe kolkoa.”

Dosar Biboron 28:7

“Bạiri lekate okoe ape upạrteko teṅgokʼ onko do Probhu Isorgeye nonkakoa jemon ape ṭhenko bhagao ocokʼ. Onko do mitʼ horte apere jhãpko ema menkhan eae horteko dạṛ pạnḍuja.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Josuạ 23:10

Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.

Bikʼcạrko 15:15

Unre uni do gadhawakʼ berel jambeye hataokeda ar onate mitʼ hajar hoṛe gocʼketʼkoa.