Levitikus 26:3 - সান্তালী বাইবেল

^3-4 “Ińakʼ sanam niạmkope manao ar ińakʼ hukum lekape senokʼ enḍekhan iń do okte nạpitre dakʼ iń kolapea. Onate apeakʼ jumire purạ phosolpe ńama ar dareko hõ jo bahakʼ tapea.

Levitikus 26:3 Iomraidhean Croise

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Exodus 23:25

Ape do eken aperen Probhu Isorge, metatʼme ińgepe sewawạńạ. Onate apeakʼ jomakʼ ar dakʼre ińakʼ bhor tahena ar ińge apeakʼ sanam ruạ hasokoń ocogtapea.

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Levitikus 19:25

Ar mõṛẽakʼ bochor khon ona dare reakʼ jo dope jom daṛeakʼa. Onate apeakʼ darekore do ḍher jo jokʼa. Iń kangeạń aperen Probhu Isor do.

Sakariạ 8:12

Ńitokʼ do itạ khon dare do mońjtege harakʼa, ar darkha nạ̃ṛĩre jo sabokʼa, khetre phosol janamokʼa ar noko jạtren jiwetʼ tahen hoṛko do iń emakʼ ạidạri lekate jotowakʼko ńama.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Dosar Biboron 7:12

“Ar niạko niạm secʼpe moneyakʼ ar joton salakʼ onape manao, enḍekhan aperen Probhu Isor do aperen hapṛamko ṭhen okae gokʼletʼ ar ape lạgitʼ okae bondobos akatʼ onae rukhiyạitaea are dulạṛpea.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.