Levitikus 26:12 - সান্তালী বাইবেল

¹² Ape sãotegeń dãṛãna ar aperen Isoriń hoyokʼa ar ape do ińren hoṛpe hoyokʼa.

Levitikus 26:12 Iomraidhean Croise

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Genesis 17:8

Okaṭakʼ Kanan disạmre upriạ menam ona reakʼ jotoge jaejug hạbicʼ sompotti lekate am ar amren bõskoń ematʼkoa. Ar iń do onko sanamkoren Isoriń hoyena.

Genesis 3:8

Ado ạyupʼ reakʼ reaṛ hoeye ehopʼ akatʼ tahẽkanre unkin do Probhu Isorakʼ aṛaṅkin ańjomketʼtaea. Ente bagwanre uni doe dãṛãbaṛae kan tahẽkana. Unre Adam ar uniren bạhu do Probhu Isor samaṅre alo paṛaokʼ lạgitʼ bagwan reakʼ dareko talarekin okoyena.

Genesis 5:22

Mathusalawakʼ janam tayom pesae bochor hạbicʼ Enok do Isor sãote jopoṛao tahẽkantaea. Onako dinre uniren do arhõ hopon ar hoponerako hoylentaea.

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

2 Samuel 7:7

Okoe nạbiko cetanre ińren hoṛko jotonko lạgitʼ bhariń ematʼko tahẽkan, ar Israelko sãote judạ judạ jaegare ạcur baṛaekan tahẽkan jokhecʼ okoe mukhiyạ hõ bạń metatʼko tahẽkana, cedakʼ debdạru reakʼ kaṭte iń lạgitʼ oṛakʼ bape benaoeda.’

Sereńko 50:7

“E ińren hoṛko, ańjompe, iń do kathań roṛeda; E Israel, iń do am upạrte gohań emeda; iń doń Isor kana, amren Isorge.

Exodus 29:45

Iń do Israelren Isor hoekate onko talareń girobasokʼa.

Exodus 29:46

Ar unreko baḍae daṛeakʼa, iń kangeạń onkoren Probhu Isor do. Iń do onko talareń tahen lạgitʼte Misor disạm khoniń oḍokʼ ạgu akatʼkoa. Ar iń Probhuge onkoren Isor kạnạń.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jirimiạ 11:4

Tinre iń do aperen hapṛamko Misor disạm khon, mẽṛhẽtʼ bhaṭa khoniń oḍok ạguletʼkoa unre noa menkate onkoń hudisatʼko tahẽkana, ‘ape do ińakʼ katha ańjompe ar iń okaṭakʼ cekaeyiń hukum akawatʼpe ona onkaepe, enḍekhan ape do ińren hoṛpe hoyokʼa ar iń do aperen Isorgeń hoyokʼa.

Jirimiạ 30:22

Onatege ape do ińren hoṛpe hoyokʼa ar iń do aperen Isoriń hoyokʼa.”

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jirimiạ 32:38

Onko do ińren hoṛko hoyokʼa, ar iń do onkoren Isoriń hoyokʼa.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jeheskel 11:20

Enḍekhan onko do ińakʼ niạm lekako calakʼa ar ińakʼ ạn ạriko joton salakʼko palona. Onko do ińren hoṛko hoyokʼa ar iń do onkoren Isoriń hoyokʼa.

Jeheskel 36:38

Jerusalemre niṭ akatʼ porobre cetʼleka samaṅokʼ bheḍakote perejokʼkan tahẽkan onkage dhaṅdhaser akan nagrahako do alekha manwakote perejokʼa. Unre onko doko baḍae daṛeakʼa, ińkangeạń Probhu Isor do.”

Joel 2:27

Unrepe baḍae daṛeakʼa, ińge Israelko talare minạńa ar iń kangeạń aperen Probhu Isor do, ar iń do eṭagicʼ doń baṅkana; ińren hoṛ do ar tishõ bako lajao ocokʼa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Numeri 5:3

Baṅ doe maejiukan ar baṅ doe herel hoṛkan uni do oḍok giḍikae hoyokʼa. Nonkan hoṛ iạte ḍera jemon alo besaphakʼ onate onko do bahrete oḍok giḍikako hoyokʼa, ente iń do onḍe Israelko sãoteń tahenkana.”

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Dosar Biboron 23:14

Ape rukhiyạpe lạgitʼ ar aperen bạiriko apeakʼ tire soprotko lạgitʼ aperen Probhu Isor do apeakʼ ḍera talareye dãṛãna. Onate apeakʼ ḍera do sonotpe dohoya jemon ape talare hirkhạwakʼ jãhãnakʼ ńelte aloe dea giḍipe.

Dosar Biboron 23:15

“Jãhãeren guti do ape ṭhen hecʼkate asraye hatao enḍekhan uniren kisạ̃ṛakʼ tire alope jimạ ruạṛkaea.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Johan sodor 2:1

“Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.

Johan sodor 21:7

Ar okoeye jitạukʼa uni do noakoe ạidạri joṅa. Ińge uniren Isoriń hoyokʼa ar uni do ińren gidrại hoyokʼa.