Levitikus 24:5 - সান্তালী বাইবেল

⁵ “Am do mĩhĩ holoṅ hataokate gelbar goṭecʼ piṭhạm rapaga. Ar mimitʼ goṭecʼ piṭhạ lạgitʼ do pe keji turui sae gram holoṅem hataoa.

Levitikus 24:5 Iomraidhean Croise

1 Rapajko 18:31

Uni do Jakobren hoponkoakʼ mimitʼ gusṭi lạgitʼ mimitʼ goṭecʼkate gel bar goṭecʼ dhiriye hataoana. Nui Jakobge Probhu Isore metade tahẽkana, “Amakʼ ńutum do hoyokʼa Israel.”

1 Bõsbudạ 23:29

Onko cetanre okako kạmi reakʼ bhar tahẽkan ona do hoyokʼkana: samaṅakʼ piṭhạ, anaj samaṅ reakʼ holoṅ, bin khạmiyanakʼ piṭhạ, rapakʼ piṭhạ ar sunum mesalakʼ holoṅ. Ona chaḍa joto lekanakʼ sosoṅakʼ ar porimanko ńel todarot reakʼ bhar hõ tahẽkana,

1 Bõsbudạ 9:32

Mimitʼ jirạukʼ mãhãre ṭebil cetanre samaṅokʼakʼ oka piṭhạ sajao dohokakʼ hoyokʼkan tahẽkan ona benao reakʼ bhar do Liwiko modre Kohat cetanre tahẽkana.

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

Nehemiạ 10:33

Niạko sekelte jemon ṭebil cetanre samaṅakʼ piṭhạ ńamokʼ ar jaoge jomakʼ ar jeredokʼ samaṅokʼakʼ porob, jirạukʼ mãhãre samaṅokʼakʼ porob, ambas ar eṭakʼ niṭ akatʼ din reakʼ porobko, sonot jinis samaṅokʼakʼ porob ar Israelkoakʼ kại ńutumte samaṅokʼakʼ porob ar Isorakʼ oṛakʼ reakʼ sanam kạmiko jemon hoyokʼ.

Nehemiạ 10:34

Aleakʼ ạn-ạrire cetʼleka ol menakʼ ona leka aleren Probhu Isorakʼ pinḍre jeredokʼ lạgitʼ jao bochor niṭ akatʼ oktere aleren Isorakʼ oṛakʼre mitʼke mitʼ bõsko tinre kaṭ ạgu lagao akoa ona ṭhik lạgitʼ ale do, metakʼme naekeko, liwiko ar hoṛkole gulibãṭkeda.

Exodus 25:30

Ar ṭebilre do iń ńutumte samaṅakʼ piṭhạm dohokakʼa, ar jaoge jemon ona do onḍege tahena.

Exodus 39:36

mej ar ona reakʼ jinisko ar Probhu Isor ṭhen samaṅakʼ piṭhạ;

Exodus 40:4

Ṭebil hõ bhitrite ạgukate ona cetanre oka dohoy reakʼ onam sajao dohoya. Ar tayom do diuhe dohowakʼem ạguiya ar diuhekom jola.

Numeri 4:7

Onko do samaṅakʼ piṭhạ dohowakʼ ṭebil cetanre mitʼṭecʼ nil roṅakʼ kicricʼko aṭetʼakʼa ar ona cetanre thạriko, bạṭiko, kạ̃ṛchuko ar cokʼḍor loṭakoko dohoya. Ar okaṭakʼ piṭhạ jao okte ṭebilre tahen ona do ṭebil cetanrege tahena.

Mathae 12:4

Dạud ar uniren soṅgetenko do ona jojom lek baṅ tahẽkantakoa, eken naekekoge ona doko jometʼ tahẽkana.

Aposkạmi 26:7

Aleren gelbar khũṭren hoṛko do siń-ńindạ mon ar ontorte Isor sewawaete ona gokʼakʼ reakʼ purạukʼtetʼ ńel reakʼ asre menakʼkoa. E maharaj, ona as iạtege Jihudiko do ińko dusiyediń kana.

Ibriko 9:2

Ar ona lekatege mitʼṭecʼ tạmbu do benao hoylena. Ona tạbmu reakʼ pạhil hạṭińre tahẽkana diuhe dohowakʼ ar mej ar samaṅakʼ piṭhạ. Noa pạhil hạṭiń reakʼ ńutum do tahẽkana sonot jaega.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

1 Samuel 21:6

Onate naeke do ona sonotakʼ piṭhạ Dạude emadea, ente ona piṭhạ chaḍa ar eṭakʼ jãhãn piṭhạ uni ṭhen do baṅ tahẽkana. Ar enhilokʼge ona piṭhạ do Probhu Isor samaṅ khon ocokʼkate ona ṭhạ̃ire lolo piṭhạko dohoakatʼ tahẽkana.

1 Samuel 21:7

Doeg ńutuman Sạulren mitʼṭen Edomren guti do enhilokʼ Probhu Isor ńutumte mitʼṭecʼ kạmi lạgitʼ onḍeye tahẽkana. Uni do Sạulren gutikoren sordare tahẽkana.