Levitikus 23:3 - সান্তালী বাইবেল

³ Hapta reakʼ turui dinpe kạmiya menkhan eaeyakʼ dinre dope jirạukʼa, metakʼme ona do sonot jarwakʼ din kana. Enhilokʼ do cetʼge alope kạmiya. Jãhãregepe girobasokʼ ona din do Probhu Isor ńutumte mitʼṭecʼ jirạukʼ dinge hoyokʼa.”

Levitikus 23:3 Iomraidhean Croise

Exodus 16:23

Unre Mose do onkoe metatʼkoa, “Noa do Probhu Isorakʼ katha kangea. Gapa do jirạukʼ mãhã kana, ar Probhu Isor kangeae sonot jirạukʼ mãhã do. Onate tinạkʼpe rapakʼ daṛeakʼ ar tinạkʼpe teke daṛeakʼ ona do onkaepe; ar sarecʼakʼ do dosar hilokʼ lạgitʼ dohokakʼpe.”

Exodus 16:29

Ńelpe, ape lạgitʼ jirạukʼ mãhã reakʼ noa bondobos do Probhu Isorgeye dohoakada. Onate turui mãhã hilokʼ uni do bar din reakʼ jomakʼe jogao ape kana. Ar eae mãhã hilokʼ do okoe hõ oṛakʼ bahrete alope oḍokokʼa, bhitrirege tahenpe.”

Exodus 16:30

Onatege hoṛko do eae hilokʼko jirạuena.

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Exodus 34:21

“Ape do hapta reakʼ turui dinpe khaṭaokʼa menkhan eae mãhã hilokʼ do jirạukʼpe. Casokʼ jokhecʼ ar phosol samṭao oktere hõ onkaepe.

Jesaea 56:2

Bhạgangeae uni hoṛ, okoe do onae kạmikan; bhạgangeae uni manwa do, okoe do onakoe moneyakʼkan. Jirạukʼ mãhã okoeye manaoetʼkan, ar bae besonotetʼ ar bạṛicʼ kạmi khon acʼakʼ tiye sontoretʼtae, uni doe bhạgangea.”

Jesaea 56:6

Ona chaḍa okoe bidisiạko do iń sewawạń lạgitʼ ar iń dulạṛiń ar ińren golamko hoyokʼ lạgitʼ apnartetʼ iń ṭhenko emokʼ ar okoe do Jerusalem bako besonot bickom onako manao ar ińakʼ bondobos kajakteko sapʼ dohoy,

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Luk 13:14

Jisu do jirạukʼ mãhãreye bogekedete sunạgogren mukhiyạ doe edreyente hoṛkoe metatʼkoa, “Kạmi lạgitʼ turui din ma menakʼge. Onate jirạukʼ mãhãre baṅ hecʼkate ona turui din bhitrire hecʼkate boge ocokʼpe.”

Luk 23:56

Ona tayom ruạṛ senkate uniyakʼ hoṛmore lạgitʼ mahkaokʼ sunum ar mosolako tearkeda. Ar ona tayom do Moseyakʼ hukum leka jirạukʼmãhã hilokʼ doko jirạuena.

Aposkạmi 15:21

Noa hukum emakoge bhagea, ente Mose okae menakatʼ ona do mimitʼ nagrahakore ạḍi laha khonge porcarokʼ kana ar uni okae ol oṭoakatʼ ona do mimitʼ jirạukʼ mãhãre sunạgogkore paṛhao idikʼkana.”

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.