Levitikus 22:4 - সান্তালী বাইবেল

^4-6 Hoṛmo reakʼ harta ruạ se besaphawakʼ oḍokokʼ oktere Aron bõsren jãhãege ạuriko saphakʼ hạbicʼ samaṅ akatʼ sonotakʼ jinis do bako jom daṛeakʼa. Mạ̃ṛĩre jakʼ akan jãhãn jinisge jãhãeye joṭed se herelakʼ itạ se jãhãn besapha huḍiń jiwiyanko se bhõnḍ akan hoṛe joṭede-metakʼme onko hotete hoṛko besaphakʼ, enḍekhan uni do ạyupʼ hạbicʼ besapha akane tahena. Ar ạuriye ḍạbrạ saphakʼ hạbicʼ samaṅakʼ jãhãn sonotakʼ jinis do bae jom daṛeakʼa.

Levitikus 22:4 Iomraidhean Croise

Levitikus 11:39

“Apepe jomko nonkan jãhãn janware gocʼlen khan ar jãhãe uniyakʼ mạ̃ṛĩye joṭetʼ lekhan uni do ạyupʼ hạbicʼ besapha akane tahena.

Levitikus 15:17

Jãhãn kicricʼ se harta reakʼ jinisre uniyakʼ hoṛmo khon oḍokokʼakʼ jinis laṭkaolen khan ona do dakʼte ạrupʼ saphae hoyokʼa, ar ạyupʼ hạbicʼ ona do besapha akan tahena.

Levitikus 2:10

Noa jomakʼ samaṅokʼakʼ reakʼ sarecʼakʼ okako tahen ona do Aron ar uniren hoponkoakʼ hoyokʼa. Probhu Isor ńutumte seṅgelre samaṅokʼakʼ sanamakʼko khon jomakʼ samaṅokʼakʼ reakʼ sarecʼ hạṭińko do sonot utạrakʼ jinis kana.

Levitikus 2:3

Noa jomakʼ samaṅokʼakʼ reakʼ sarecʼakʼ okako jinis tahen ona do Aron ar uniren hoponkoakʼ hoyokʼa. Probhu Isor ńutumte seṅgelre samaṅakʼ sanam samaṅokʼakʼ modre jomakʼ samaṅokʼakʼ reakʼ noa sarecʼakʼ hạṭiń do sonot utạrakʼ jinis kana.

Levitikus 21:1

Inạ tayom Probhu Isor do Moseye metadea, “Am do naekeko, metakʼme Aronren hoponko galmarao akome, onkoren peṛako modre jãhãegeye gocʼlenre ona iạte naeke do acʼ apnartetʼ aloe besaphakʼma.

Levitikus 21:22

Isor ńutumte samaṅakʼ jomakʼ modre sonotakʼ ar sonot utạrakʼ joto jomakʼge uni doe jom daṛeakʼa,

Hagae 2:13

Unre Hagaeye metatʼkoa, “Gocʼ hoṛe joṭetʼ akade iạteye bhonḍ akan nonkan jãhãe hoṛ noako reakʼ mitʼṭecʼe joṭetʼ tiyog, enḍekhan ona jinis do cetʼ bhonḍakʼ hoyokʼa? ” Naekeko roṛ ruạṛkeda, “Hẽ, ona do bhonḍakʼge hoyokʼa.”

Numeri 18:19

Probhu Isor ńutumte Israelkoakʼ samaṅokʼakʼ sanam sonotakʼ jinis do am ar amren hoponkoakʼ jao okte reakʼ bakhra kana. Noa do Probhu Isorakʼ mẽtʼre am ar am bõsren sanamko lạgitʼ mitʼṭecʼ jaejug reakʼ bondobos kana.”

Numeri 18:9

Sonot utạrakʼ samaṅokʼakʼ lạgitʼ, metakʼme jomakʼ samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ lạgitʼ Israelko jãhãnakʼge iń ṭhenko ạgui ar okaṭakʼ hạṭiń do pinḍ reakʼ seṅgelre baṅ jeredokʼ ona do apeakʼge hoyokʼa; ona do am ar amren bõskoakʼ kana.

Numeri 19:20

Besapha tayom jãhãe apnarte bae saphakʼ enḍekhan uni do acʼakʼ somaj khone meṭao ocokʼa, ente apnarte sapha baṅkate uni do Probhu Isorakʼ sonot tạmbui besapha ocoyeda. Saphakʼ reakʼ dakʼ unire baṅ irci akante uni doe besaphagea.