Levitikus 22:2 - সান্তালী বাইবেল

² “Am do Aron ar uniren hoponkom metakoa, iń ńutumte Israelkoakʼ samaṅakʼ sonot jinis khon jemon sahaṛ akanko tahen. Ar ińakʼ ńutum jemon aloko besonot. Iń kangeạń Probhu Isor do.

Levitikus 22:2 Iomraidhean Croise

Esra 8:28

Iń do onkoń metatʼkoa, “Niạko bạṭiko do Probhu Isor ńutumte begar dohoakana. Ona chaḍa niạko sona ar rupạ do aperen hapṛamkoren Probhu Isor ńutumte apnarakʼ sana leka dan akana.

Exodus 13:12

unre ape hõ aperen mitʼke mitʼ pạhil hoponko do Probhu Isor ńutumtepe emokʼa. Janwarkoren mimitʼ pạhil hopon hõ Probhu Isorrenko hoyokʼa.

Exodus 28:38

Noa do Aronakʼ cạndire tahena. Ar Israelko oka jinis samaṅ lạgitʼko ạgui ona reakʼ sanam dos bojha do Aronge gogokʼ hoyokʼtaea. Probhu Isor jemon onkoe ataṅko onate Aronakʼ cạndi cetanre noa sona reakʼ pat do jao okte tahena.

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Jeheskel 44:8

Ińakʼ sonot jinisko cetanre okaṭakʼ dạyik tahẽkan ona baṅkate ińakʼ oṛakʼ reakʼ bhar do eṭakʼkoakʼ tirepe jimạ akada.

Levitikus 15:31

Mucạtʼre Probhu Isor do Mose ar Arone metatʼkinạ, “Israelko talare ińakʼ ḍera tạmbu menakʼa. Onate sanam lekan besaphawakʼ khon pharakre ben dohokoa jemon ḍera tạmbu besaphakʼte aloko gujukʼ.”

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Levitikus 20:3

Uni do mẽtʼ ar mẽtʼteń ńelea, ente uni jạtrenko khon uni doń marao giḍiyea, ente Molok debota ṭhen acʼren gidrại samaṅedete ińakʼ sonot tạmbui bhõnḍ ocoyeda ar ińakʼ ńutum hõe besonot ocoyetʼkana.

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Levitikus 22:1

Inạ tayom Probhu Isor do Mose galmaraoadeteye metadea,

Levitikus 22:32

Ińakʼ sonot ńutum do alope besonot ocoya. Ar sonot menkate baṛe manaoińpe. Iń Probhu Isorge ape doń begar dohoakatʼpea.

Numeri 18:32

Onate apeakʼ jãhãn dosge baṅ hoyokʼtapea, ente bhage utạrakʼ hĩsge Probhu Isorpe emakawadea. Enḍekhan Israelko emakʼ sonotakʼ jinisko besonot reakʼ dusite bape dusi ocokʼa ar bape gujukʼa.”

Dosar Biboron 15:19

“Aperen ḍaṅgra, bhiḍi ar meromkoren mimitʼ pạhil janam akan ạnḍiạ hoponko do aperen Probhu Isor ńutumtepe begar dohokoa. Ar ḍaṅgraren pạhil hoponko hõ kạmire alope lagaokoa ar bhiḍi ar meromren pạhil hoponkoakʼ upʼ hõ alope kạpciy takoa.