Levitikus 21:9 - সান্তালী বাইবেল

⁹ Jãhãe naekeren hoponera loṭghuṭi iạteye ńurlen khan enḍekhan uni do acʼ apattetʼe besonot ocoyedekana. Ar uni kuṛi do seṅgelre atar giḍikae hoyokʼa.

Levitikus 21:9 Iomraidhean Croise

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

Exodus 31:14

“Jirạukʼ mãhã manaope, ente ape lạgitʼ noa din do iń ńutumteń begar dohoakada. Ar jãhãe noa din bae manao enḍekhan uni doe gocʼ ocokʼa; ar jãhãe niạ dinreye kạmi enḍekhan uni do acʼakʼ jạtrenko khone meṭao giḍi ocokʼa.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jeheskel 9:6

Haṛamko, juạnko, juạniko, maejiuko, ar kạṭicʼ gidrạko jotope gocʼkoa, menkhan okoekoakʼ moloṅre cinhạ menakʼ onko do alope joṭetʼkoa. Mundil khonge ona do ehobpe.” Onate onko do mundil samaṅre okoe murubbiko tahẽkan onko hoteteko ehopʼkeda.

Levitikus 19:29

“Amren hoponera do kusumbi alom hoeocoyea. Arem onka ocoye khan disạmre kusumbiko ḍher idikʼte mucạtʼre disạm do nosṭamite perejokʼa.

Levitikus 20:14

Okoe hoṛ jãhãe hoponera ar uniren eṅgattetʼe baplakin uniyakʼ ona do hirkhạwakʼ kạmige hoyokʼtaea. Ar jãhãe onkanakʼe kạmi khan uni hoṛ ar unkin eṅgahon jotoge seṅgelre khadleko hoyokʼa jemon nonkan hirkhạwakʼ kạmi ape talare ar alo hoyokʼ.

Malaki 2:3

Ape khạtirte aperen bõskoń sạjạikoa; apeakʼ porobre samaṅokʼkan janwarkoakʼ mạilạ do apeakʼ mẽtʼãhãregeń thopramapea ar ona mạilạ sudhạ sạṅgińteń giḍikapea.”

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Titus lạgitʼ Pạul Apostolakʼ ciṭhi 1:6

Manḍerren maraṅ mukhiyạ do nonkanicʼ hoyokʼ jạruṛaea jemon uni do okoe hõ aloko dusi daṛeae. Uniren do eken mitʼṭen erae tahen ma. Uniren gidrạko do Mạsire biswạsiko hoyokʼ ma, onko do akoakʼ kusi sana leka aloko colon ma ar bebataoko aloko hoyokʼma.

Josuạ 7:15

Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.

1 Samuel 2:17

Probhu Isorakʼ mẽtʼre juạn naekekinakʼ kại do ạḍi bạṛicʼ ńelena, ente unkin do Probhu Isor ńutumte samaṅokʼakʼ jiniskokin nindạuetʼ tahẽkana.

1 Samuel 2:34

“ ‘Amren banar hopon Hopni ar Pinehas do mitʼ dintege kin gujukʼa, ar onage hoyokʼa am lạgitʼ mitʼṭecʼ cinhạ.