Levitikus 21:1 - সান্তালী বাইবেল

¹ Inạ tayom Probhu Isor do Moseye metadea, “Am do naekeko, metakʼme Aronren hoponko galmarao akome, onkoren peṛako modre jãhãegeye gocʼlenre ona iạte naeke do acʼ apnartetʼ aloe besaphakʼma.

Levitikus 21:1 Iomraidhean Croise

Jeheskel 44:25

“ ‘Naeke do jãhãe gocʼ hoṛko ṭhen senkate apnar do bae bhonḍokʼa; menkhan gogo-baba, hopon ar hoponera, boeha se baṅ bapla akade boeha kuṛi lạgitʼ apnar doe bhonḍ daṛeakʼa.

Hosea 5:1

Probhu Isore meneda, “E naekeko, noa katha ańjompe. E Israelren hoṛko, moneyakʼpe. E raj bõsko, luturakʼpe baṛe. Noa ray do ape upạrtege emocokʼkana, ente ape do Mispare jhãmpa leka ar Taborre do tase akatʼ jhạli lekape hoylena.

Levitikus 19:28

Gocʼ hoṛko lạgitʼ rakʼ homor jokhecʼ hoṛmo alope getʼ cirạkʼa. Hoṛmore khodạ se sikạ hõ alope sikạkʼa. Iń kangeạń aperen Probhu Isor do.

Levitikus 21:11

Mạ̃ṛĩ menakʼ onkan ṭhạ̃ite bae calakʼa. Jãhãe gocʼ hoṛ iạte, se acʼren gogo babakin gujukʼ iạte hõ bae besapha daṛeakʼa ar acʼren Isorakʼ sonot ḍera bạgikate okatehõ bae oḍokokʼa se ona reakʼ sonottetʼ do bae nosṭo ocoya, ente uniren Isor do ojokʼ bahalokʼ sunumteye begar dohoakadea. Ar Iń kangeạń aperen Probhu Isor do.

Malaki 2:1

Phạdkoren Probhu Isore meneda, “E naekeko, ńitokʼ ape ṭhen noa sontor kathań koleda. Ińakʼ katha bape ańjom ar iń bape manotiń enḍekhan ape cetanre sarapiń paṛao ocoya ar apeakʼ sanam ạsirbad do sarapakʼ iń hoeocoya. Hẽ, iń do lahate hõń onkaleda, ente manotiń secʼ do bape moneyakʼ kana.

Malaki 2:4

Phạdkoren Probhu Isor do arhõe meneda, “Baḍaekakʼpe, iń do ape ṭhen noa sontor kathań kol akada jemon Liwi bõsrenko lạgitʼ iń bạisạu akatʼ bondobos do tahẽakange tahen.

Numeri 19:11

“Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Numeri 19:14

“Jãhãe hoṛ tạmbu bhitrireye gocʼlen khan noa niạmge manao hoyokʼa- ar okoe ona tạmbu bhitriteko bolokʼ ar okoe ona tạmbureko tahẽkan onko jotoge eae din hạbicʼ besapha akanko tahena.

Numeri 19:16

“Lạṛhại iạte se ṭạnḍireye gocʼakan nonkanicʼe joṭetʼ akade hoṛ hõ eae din hạbicʼ besapha akane tahena. Jãhãege topa se manwa jaṅe joṭed uni hõ eae din hạbicʼ besapha akane tahena.

Numeri 5:2

“Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.

Numeri 6:6

Uni do jãhãn mạ̃ṛĩ ṭhen hõ bae sor daṛeakʼa.