Levitikus 20:3 - সান্তালী বাইবেল

³ Uni do mẽtʼ ar mẽtʼteń ńelea, ente uni jạtrenko khon uni doń marao giḍiyea, ente Molok debota ṭhen acʼren gidrại samaṅedete ińakʼ sonot tạmbui bhõnḍ ocoyeda ar ińakʼ ńutum hõe besonot ocoyetʼkana.

Levitikus 20:3 Iomraidhean Croise

Exodus 30:33

Ar jãhãege nonkan jut so mosolae tear se naeke chaḍa ar jãhãeakʼ hoṛmore ojogokʼ enḍekhan uni do acʼakʼ jạtrenko khone meṭao ocokʼa.”

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Jeheskel 5:11

Ona iạte iń Probhu Isor do ińre kiriạkateń meneda, amren sanam hirkhạwan boṅga murtiko ar hirkhạwakʼ kạmikote ińakʼ oṛakʼem besapha akatʼte iń do ińakʼ dayań ocogtińạ; ar am secʼ do bạń beṅgeda ar mãyã hõ bạń mãyãwama.

Levitikus 15:31

Mucạtʼre Probhu Isor do Mose ar Arone metatʼkinạ, “Israelko talare ińakʼ ḍera tạmbu menakʼa. Onate sanam lekan besaphawakʼ khon pharakre ben dohokoa jemon ḍera tạmbu besaphakʼte aloko gujukʼ.”

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Levitikus 20:4

Molok debota ṭhen hopontetʼe samaṅe jokhecʼ disạmren hoṛko ńeńel tulucʼ hõ bako ńeńel ar samaṅetʼkạnicʼ hõ bako goje,

Levitikus 21:6

Ar onako onkaete akoren Isorakʼ ńutum jemon aloko besonot. Onko do Isor ńutumte begar akanko tahena. Naeke do Probhu Isor ńutumte seṅgelteakʼ samaṅakʼko samaṅa ar Probhu Isor lạgitʼ begar akanko tahena. Ar noa samaṅokʼakʼ jinisge akoren Isor ńutumte samaṅakʼ jomakʼ mente hoyokʼtakoa.

Levitikus 7:20

Jãhãege chute tahenre Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni do acʼakʼ jạtrenko khone biṭlạha ocokʼa.

Levitikus 7:21

Jãhãege manwa se janwarakʼ jãhãn chutakʼ jinis se eṭakʼ jãhãn chutakʼ hirkhạwakʼ jinise joṭed ar ona tayom Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni hõ acʼakʼ jạtrenko khone biṭlạha ocokʼa.”

Numeri 19:13

Jãhãege jãhãn mạ̃ṛĩye joṭed tayom apnarte bae saphakʼ enḍekhan uni do Probhu Isorakʼ sekʼwa tạmbui besapha ocoytaea. Ar onate uni hoṛ do Israelko tala khon meṭao utạre hoyokʼa. Uniyakʼ hoṛmore saphakʼ reakʼ dakʼ baṅ irci akawadete uni do besapha akangeye tahena ar uniyakʼ besapha do uni cetanrege tahẽ utạrokʼa.

Numeri 19:20

Besapha tayom jãhãe apnarte bae saphakʼ enḍekhan uni do acʼakʼ somaj khone meṭao ocokʼa, ente apnarte sapha baṅkate uni do Probhu Isorakʼ sonot tạmbui besapha ocoyeda. Saphakʼ reakʼ dakʼ unire baṅ irci akante uni doe besaphagea.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

1 Patras 3:12

Okoe dhorom horteko calakʼkan Probhu Isorakʼ mẽtʼ do onkore menakʼa, ar onkoakʼ koejoṅ ańjom lạgitʼ uniyakʼ lutur do jhicʼge menakʼtaea; menkhan okoe bạṛicʼakʼko kạmikan, Probhu Isor do onko upạrteye teṅgona.