Levitikus 2:14 - সান্তালী বাইবেল

¹⁴ “Probhu Isor ńutumte samaṅokʼ lạgitʼ pạhil rakapʼakʼ phosol khon jãhãegeko ạgui enḍekhan ona nãwã gele ạgukate seṅgelrem ataea arem huṛuṅ gunḍạya.

Levitikus 2:14 Iomraidhean Croise

Genesis 4:3

Mitʼdin Kain do Probhu Isor ṭhen acʼakʼ jumi reakʼ phosol ạgukateye samaṅkeda.

2 Rapajko 4:42

Bakʼal Salisa khon mitʼṭen hoṛ do Isorren hoṛ lạgitʼ pạhil samṭaoakʼ phosol khon bargel goṭecʼ jao reakʼ piṭhạ ar ona sãote thoṛa thuṛi nãwã phosol hõe ạgu darakeda. Elisaeye menkeda, “Noa do jom lạgitʼ hoṛko hạṭińakome.”

Levitikus 2:15

Ar onare sunumem dulakʼa ar ona cetanre kundurum dohoya; noa do mitʼṭen jomakʼ samaṅokʼakʼge hoyokʼa.

Levitikus 2:16

Ona huṛuṅ gunḍạwakʼ jomakʼ ar sunum reakʼ okaṭakʼ hĩs do purạ samaṅokʼakʼ bodolte emokʼ hoyokʼ naeke do eken ona hĩs ar joto kunduru hataokate Probhu Isor ńutumte seṅgelre samaṅokʼakʼ lekateye jereda.

Levitikus 22:29

Probhu Isor ńutumte jãhãn kusiteakʼ samaṅokʼakʼpe samaṅ khan uniye kusiyakʼ leka baṛe hoyokʼtapema.

Levitikus 23:13

Ona sãote jomakʼ samaṅokʼakʼ lekate sunum mesalakatʼ pe keji turui sae gram holoṅ hõ samaṅ hoyokʼtaea. Noa do Probhu Isor ńutumte seṅgelteakʼ jomakʼ samaṅokʼakʼ kana one ona reakʼ jut so Probhu Isore kusiyakʼkan. Ar inạ sãote coḍor samaṅokʼakʼ lekate mitʼ liṭar darkha rasa hõ emokʼ hoyokʼtaea.

Levitikus 23:20

Naeke do Probhu Isor samaṅre unkin barea bheḍa hopon ar pạhilre rakapʼakʼ phosol khon benaoakʼ ona piṭhại dolaoa. Noa do Probhu Isor ńutumte samaṅakʼ sonot jinis kana okaṭakʼ do naekeakʼ bakhra kan.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.