Levitikus 2:1 - সান্তালী বাইবেল

^1-2 “Jãhãege Probhu Isor ńutumte jomakʼ samaṅokʼakʼe samaṅ khan uni do mĩhĩ holoṅteye onkaema. Uni do ona cetanre sunum dulkate onare kundurui dohoya ar Aronren hoponko ṭhen, metakʼme naekeko ṭhene idiya. Ar naeke do ona sunum sudhạ mitʼ cuputʼ holoṅe locaea ar kunduru do jotogeye hataoa ar jotowakʼ samaṅ baṅkate eken niạkoge pinḍ cetanreye jereda. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 2:1 Iomraidhean Croise

Exodus 29:2

Ona tayom mĩhĩ moeda reakʼ piṭhạko, sunum ojokʼakʼ piṭhạko ar thapṛa piṭhạkom benaoa. Noako reakʼ okaṭakʼre hõ khạmi do alom mesalakʼa.

Jesaea 43:23

Jeredokʼ samaṅokʼakʼ lạgitʼ iń ṭhen bhiḍi hõ bam ạguakatʼkoa ar amakʼ jãhãnakʼ samaṅokʼakʼ hotete iń do bam manot akadińạ. Iń do am cetanre anaj samaṅokʼakʼ bhar do bạń em akatʼmea; ar kundurukote hõ bạń laṅga ocoakatʼmea.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jeheskel 46:20

Uni do ińe metadińạ, “Noa do ona ṭhạ̃i kana one okare naekeko do dos ńutumte samaṅokʼakʼ ar kại ńutumte samaṅokʼakʼ jelko teke isin ar anaj samaṅokʼakʼ jinisko sekao isin jemon ona sonot jinisko bahre racare ạgu baṅ lagaoako, ente jãhãe hoṛge onae joṭed uni do Probhu Isor ńutumteye begar utạrokʼa.”

Joel 1:9

Probhu Isorakʼ oṛakʼ khon jomakʼ samaṅokʼakʼ ar coḍor samaṅokʼakʼ porob do sahaṛ akana. Okoe Probhu Isorko sewawae kan tahẽkan onko naekeko doko homor halaṅeda.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Levitikus 14:10

“Ar irạlakʼ dinre do barea bheḍa hopon ar mitʼ bochorren mitʼṭen bhiḍi hopone ạgu darakinạ. Onko mimitʼko do niphuṭ utạrko hoyokʼ jạruṛa. Ar ona sãote uni do jomakʼ samaṅokʼakʼ lạgitʼ mõṛẽ keji ponsae gram sunum mesalakatʼ mĩhĩ holoṅ ar mitʼ liṭar pe poa sunum ạgui hoyokʼtaea.

Levitikus 24:7

Mimitʼ goṭecʼ piṭhạ sạrre khạṭi kunduru hõm dohoya. Ar piṭhạ bodolte noage Probhu Isor ńutumte seṅgelteakʼ samaṅokʼakʼem samaṅa.

Levitikus 5:11

“Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Levitikus 6:7

Ar naeke do Probhu Isor samaṅre kại reakʼ puruchun lạgitʼe kạmikataea. Ar noako reakʼ jãhãnakʼtegeye dusi akanʼ, uni doe ikạ ocokʼa.”

Levitikus 9:17

Setakʼ bela reakʼ jeredokʼ samaṅokʼ chaḍa uni do jomakʼ samaṅokʼ lạgitʼ ạguakʼ jinis khon thoṛa hataokate pinḍ cetanreye atarkeda.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Numeri 18:9

Sonot utạrakʼ samaṅokʼakʼ lạgitʼ, metakʼme jomakʼ samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ lạgitʼ Israelko jãhãnakʼge iń ṭhenko ạgui ar okaṭakʼ hạṭiń do pinḍ reakʼ seṅgelre baṅ jeredokʼ ona do apeakʼge hoyokʼa; ona do am ar amren bõskoakʼ kana.

Numeri 28:5

Ona sãote jomakʼ samaṅokʼakʼ lạgitʼ mitʼ keji irạl sae gram holoṅ hõ ạgui hoyokʼtapea. Noa holoṅ sãote mitʼ liṭar jạitun reakʼ koṭecʼ oḍok sunum hõ lagaokʼa.

Numeri 29:18

Noko ḍaṅgra, bheḍa ar bheḍa hoponko lekhare tinạkʼko hoyokʼ unạkʼge onko sãoteakʼ jomakʼ samaṅokʼakʼ ar coḍor samaṅokʼakʼ lekha hõ hoyokʼ jạruṛa; ar ona do lahateakʼ niạm lekage.

Numeri 7:13

Uniyakʼ sandes do jomakʼ samaṅokʼakʼ lạgitʼ sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi;

Numeri 7:19

Uniyakʼ sandes do tahẽkana sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi;

Numeri 8:8

Ona tayom onko do mitʼṭen ḍaṅgra ar uni sãote jomakʼ samaṅokʼakʼ lạgitʼ sunumre sipiyakʼ holoṅko ạguiya. Ar am do kại ńutumte samaṅokʼakʼ lạgitʼ armitʼṭen ḍaṅgram hataoea.

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.

Johan sodor 8:3

Inạ tayom ar mitʼṭen serma goḍet hecʼkate pinḍ samaṅreye teṅgoyena. Uniyakʼ tire do sona reakʼ mitʼṭecʼ dhup dạni tahẽkana. Uni do ạḍi utạr dhupko emadea jemon siṅghạson samaṅre sona reakʼ pinḍre Isorren sanam hoṛkoakʼ koejoṅ sãote ona dhup jeretʼkateye samaṅ daṛeakʼ.