Levitikus 19:5 - সান্তালী বাইবেল

⁵ “Probhu Isor ńutumte sulukren samaṅokʼakʼpe samaṅre Probhu Isor jemon ape cetanreye kusikʼ onkape kạmiya.

Levitikus 19:5 Iomraidhean Croise

Levitikus 22:29

Probhu Isor ńutumte jãhãn kusiteakʼ samaṅokʼakʼpe samaṅ khan uniye kusiyakʼ leka baṛe hoyokʼtapema.

Levitikus 7:16

“Noa sulukren samaṅokʼakʼ do manot dohowakʼ purun lạgitʼ kan khan se samaṅetʼkạnicʼ do acʼakʼ monsubạte onae onkae enḍekhan ona samaṅ akatʼ jel do enhilokʼge jom hoyokʼa. Ar sarecʼ tahen khan dosar hilokʼ hõ ona do jomogokʼgea,

Levitikus 22:19

enḍekhan uni do mitʼṭen niphuṭ utạricʼ ḍaṅgra, bheḍa, se merom boda ạguiye hoyokʼtaea. Ar onkanicʼe baṅkan khan ona samaṅokʼakʼ do baṅ ataṅokʼtaea.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Jeheskel 46:12

Disạm cakʼlaoyicʼ do tinre Probhu Isor ńutumte acʼakʼ kusite jãhãnakʼ samaṅokʼakʼe samaṅa, baṅ do jeredokʼ samaṅokʼakʼ ar baṅ do sulukren samaṅokʼakʼ, unre uni lạgitʼ purub secʼ samaṅ akan phaṭok duạrko jhicʼaea. Uni do jirạukʼmãhã lekage acʼakʼ jeredokʼ samaṅokʼakʼ se sulukren samaṅokʼakʼe samaṅa. Ona tayom bahreteye oḍoklen khan phaṭok duạr do sińokʼa.

Jeheskel 46:2

Unre disạm cakʼlaoyicʼ do bahre khon phaṭok duạr bolokʼ kandhate bolokate phaṭok duạr reakʼ khunṭikin aṛere teṅgokʼ hoyokʼtaea. Ar naekeko do uniyakʼ jeredokʼ samaṅokʼakʼ ar sulukren samaṅokʼakʼ porobko hoeocoya. Phaṭok duạrte bolokʼ horre uni do sekʼwa baṛakateye oḍokokʼa, menkhan ńindạ hạbicʼ phaṭok do jhicʼge tahena.

2 Bõsbudạ 31:2

Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.

Levitikus 22:23

Menkhan okoe ḍaṅgra se bheḍawakʼ jãhãnakʼ hĩsge bạ̃ṛti hara akantae seye khaṭoge onkan ḍaṅgra se bheḍa apnarakʼ kusi lekae samaṅ daṛeaea, tobe manotakʼ purun lạgitʼ samaṅokʼakʼ mente ona do baṅ ataṅokʼtaea.

Levitikus 22:21

Jãhãege manot akatʼakʼ purun lạgitʼ apnar kusite Probhu Isor ṭhen sulukren samaṅokʼakʼ samaṅe men khan uni do mitʼṭen niphuṭ utạricʼ ḍaṅgra, bheḍa se merom boda ạguiye hoyokʼtaea. Ar uniyakʼ hoṛmore jãhãn dos tahẽlen khan uni do samaṅokʼakʼ menkate baṅ ataṅokʼa.

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Levitikus 19:4

Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Levitikus 19:6

Porob hilokʼ se ona dosar hilokʼ bhitrire uni samaṅakadeyicʼ reakʼ jel do jom cabae hoyokʼtapea. Ar tesar hilokʼ hõ jodi thoṛa sarecʼ tahen enḍekhan ona dope atar giḍikakʼa,

Levitikus 7:18

Ar tesar hilokʼ hõ ona jel jomogokʼ enḍekhan Probhu Isor do ona samaṅakʼ bae ataṅa. Ar samaṅ akatʼicʼakʼ hõ ona do baṅ ataṅokʼtaea, ente ona jel do unre chutakʼ jinisge hoyokʼa. Ar okoe ona jele jom uni do ona kại lạgitʼ dạyike tahena.