Levitikus 18:5 - সান্তালী বাইবেল

⁵ Ińakʼ niạm ar ạn-ạriko manao hoyokʼtapea, ente okoeye manaoa uni do ona hotetege jiwetʼe tahena. Iń kangeạń Probhu Isor do.

Levitikus 18:5 Iomraidhean Croise

Nehemiạ 9:29

“Amakʼ ạn-ạri secʼ ruạṛ hijukʼ lạgitʼ onkom sontorletʼkoa menkhan onkoakʼ beohar do bạḍạite perecʼge tahẽkantakoa; onko do amakʼ sanam hukumko bebataoleda. Amakʼ okako hukum palonkate hoṛko bańcaokʼ ona upạrteko kạileda. Onko do hoṭokʼko keṭecʼ ketʼtakote amakʼ katha bako ańjomletʼa.

Exodus 6:2

Isor do Mose arhõe metadea, “Iń doń Probhu Isor kana.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jeheskel 18:9

ar ińakʼ niạm lekateye calakʼkan ar pạtiạr salakʼ ińakʼ ạn-ạrikoe palonetʼkan, enḍekhan uni hoṛ do sạrigeye dhoromgea; ar khạṭigeye bańcaokʼa. Iń Probhu Isorge noa katha doń meneda.

Jeheskel 20:11

Onko do ińakʼ niạmkoń ematʼkoa ar ińakʼ ạn-ạrikoń baḍae ocoketʼkoa; ar okoe onae manaoa uni do ona hotetege jione ńama.

Jeheskel 20:13

“Menkhan Israelren hoṛko do hahaṅkarre iń upạrteko hulkeda. Onko do ińakʼ niạm bako manaoleda ar ińakʼ okaṭakʼ ạn-ạri manao hotete manwa jionko ńam ona doko nihạ̃t giḍikada; ar iń emakʼ jirạukʼmãhã reakʼ sonottetʼ hõ bako rukhiyạleda. Onatege iń doń menkeda, onko cetanre ińakʼ edreń dulakote hahaṅkarrege onko doń marao giḍikakoa.

Jeheskel 20:21

“ ‘Menkhan onko hoponko ar hoponerako do iń upạrteko hulkeda. Onko do ińakʼ niạm bako manaoleda ar okaṭakʼ ạn-ạri palon hotete manwa do jionko ńam onko do ińakʼ ona ạn-ạri manao secʼ do bako moneyada; onko do iń emakʼ jirạukʼ mãhãko reakʼ sonottetʼ bako rukhiyạleda. Onate onkoń metatʼkoa hahaṅkarre onko cetanre ińakʼ edreń dulakoa.

Levitikus 18:6

“Ape jãhãege aperen nijerren hoṛko tulucʼ alope giticʼmidokʼa. Iń kangeạń Probhu Isor do.

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Mathae 19:17

Jisu do uniye metadea, “Bhageakʼ reaṅ do cedakʼem kuliyediń kana? Ente mitʼ goṭengeae bhageicʼ do. Am do jaejug jionte bolokʼem menetʼ khan enḍekhan uniyakʼ sanam hukumko dohoyme.”

Luk 10:28

Jisu do uniye metadea, “Am do ṭhikgem roṛ ruạṛ akada. Arem onka idiyetʼkan khan enḍekhan jionem ńama.”

Romiko lạgitʼ Pạul Apostolakʼ ciṭhi 10:5

Ạn-ạriko pańjaete dhorom ocokʼ babotre Moseye olakada, “Okoe hoṛ ạn-ạriko reakʼ katha lekae calakʼkan uni do ona hotetege jiwetʼe tahena.”

Romiko lạgitʼ Pạul Apostolakʼ ciṭhi 7:10

Ar iń hõń gocʼena. Okaṭakʼ hukum iạte jion ńam reakʼ katha, ona do iń lạgitʼ gujukʼe ạgukeda,

Galathiko lạgitʼ Pạul Apostolakʼ ciṭhi 3:12

Ạn-ạri doe meneda, “Okoe hoṛ ạn-ạrikoe manaoetʼkan uni do ona hotetege jiwetʼe tahena.”

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.