Levitikus 18:4 - সান্তালী বাইবেল

⁴ Ape do ińakʼ ạn-ạrikope dohoya. Ar iń emakʼ niạmko joton salakʼpe manaoa. Iń aperen Probhu Isorge noa doń menetʼkana.

Levitikus 18:4 Iomraidhean Croise

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Sereńko 119:4

Am do ạn ạrikom ṭhik dohoakada jemon joton salakʼ onale manao.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Jeheskel 36:27

Apere ińren Jiu iń bạisạuapea ar nonkań hoyocopea jemon ińakʼ sanam niạmpe manaotiń. Onate ape do ińakʼ ạn-ạṛikope moneyakʼa.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Levitikus 18:26

Menkhan ape do ińakʼ niạm ar ạn-ạriko manaope. Ape jạtren se ape talareko girobasokʼ kan eṭakʼ jãhãe jạtren hoṛko hõ jemon nonkan bạṛicʼakʼ aloko kạmi.

Levitikus 18:5

Ińakʼ niạm ar ạn-ạriko manao hoyokʼtapea, ente okoeye manaoa uni do ona hotetege jiwetʼe tahena. Iń kangeạń Probhu Isor do.

Levitikus 19:19

“Ińakʼ niạm manaope. Ar judạ judạ jạtren janwarko alope (otoṅ) milạu mitʼ ocokoa. Mitʼ khetre bar lekan itạ hõ alope era. Ar bar lekan sutạm reakʼ teńakʼ kicricʼ hõ alope horoga.

Levitikus 19:37

Ińakʼ sanam niạmko manaope ar ińakʼ sanam ạn-ạriko dohoype. Iń kangeạń aperen Probhu Isor do.”

Levitikus 20:22

“Oka disạmteń idiyetʼpe ona disạm jemon aloe ulạ giḍikape ona lạgitʼ ińakʼ niạm ar ạn-ạriko manao hoyokʼtapea.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Johan 15:14

Okako hukumiń emape onakope dohole khan enḍekhan ape do ińren gatepe hoyokʼa.

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.