Levitikus 17:5 - সান্তালী বাইবেল

⁵ Israelkoren okoeko janwar ṭạnḍireko samaṅokʼkan onko do Probhu Isor ṭhen ạguko reakʼ hukum emakana. Ar onko do ńapamokʼ tạmbu reakʼ duạr ṭhen Probhu Isor ńutumte sulukren samaṅokʼakʼ menkate samaṅko hoyokʼa.

Levitikus 17:5 Iomraidhean Croise

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Genesis 22:13

Unre Abraham do beṛhaeteye beṅgetʼ ạcurketʼ khan acʼ tayomre mitʼṭen bheḍa do jhạuạre dereń aṭkao akane ńelkedea. Unre Abraham do uni bheḍae ạgukedea ar acʼren hopon bodolte uniye teṅgenkedea.

Genesis 22:2

Isore menkeda, “Amren gidrạ, amren uni sadher hopon, okoe do ạḍim dulạṛede uni ar am do Moriạ ṭoṭhate calakʼ ben. Ar onḍe okaṭakʼ buru reakʼ kathań lạiyam onḍe mitʼṭecʼ jeredokʼ samaṅokʼakʼ lekate uni samaṅem.”

Genesis 31:54

Niạ tayom Jakob do ona burure dãṛẽye samaṅkeda ar peṛa-pạrbhạko jom-ńũ lạgitʼe goṛoatʼkoa. Arko jom-ńũketʼ khan ona bururegeko tahẽ aṅgayena.

1 Rapajko 14:23

Ona chaḍa onko do ako lạgitʼ mitʼke mitʼ usul burure ar mitʼke mitʼ dare buṭạkore than boṭkocʼko benaokeda ar sonot dhiri ar Asera muṭhạnko benao joṅana.

1 Rapajko 3:2

Ar hoṛko do unrehõ than boṭkocʼkore akoren janwarkoko dãṛẽyetʼko tahẽkana, ente un hạbicʼ hõ Probhu Isor dewa sewawae lạgitʼ jãhãn oṛakʼ hõ baṅ benao akan tahẽkana.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

2 Rapajko 16:4

Uni do than boṭkocʼkore, buru cetankore ar mimitʼ hạriạṛ dare buṭạkore janwarkoe dãṛẽyetʼko tahẽkana ar dhupkoe jeretʼetʼ tahẽkana.

2 Rapajko 17:10

Onko mimitʼko do usul buru cetanre ar hạriạṛ dare buṭạ latarkore dhiriko ar Asera khunṭiko bạisạu joṅkan tahẽkana.

2 Bõsbudạ 28:4

Uni do than boṭkocʼkore, buru cetankore ar mimitʼ hạriạṛ dare buṭạkore janwarkoe dãṛẽyetʼko tahẽkana ar dhupkoe jeretʼetʼ tahẽkana.

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Jeheskel 20:28

Okaṭakʼ disạm emako reakʼ iń kiriạlen onḍe idiko tayom onko do jãhãrege usul buru ar hạriạṛ dare buṭạko ńelketʼ onḍege janwarko samaṅketʼkoa. Onko do samaṅokʼ reakʼ porobkote ińko khĩs ocokedińạ.

Jeheskel 22:9

Am talare nonkan hoṛ menakʼkoa okoe do eṭakʼkoakʼ bodnamko lại baṛaete onkoakʼ mãyãmko joro ocoyetʼkan, buru cetan than boṭkocʼreko jom-ńũiyetʼkan ar kharap kharapakʼko kạmikan.

Jeheskel 43:27

Niạko din mucạtʼlen khan irạl din hilokʼ khon naekeko do ona pinḍ cetanre apeakʼ jeredokʼ ar helmel samaṅokʼakʼ porobko hoeocoya. Unre iń do apeń ataṅpea. Iń Probhu Isorge noa katha doń menetʼkana.”

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Levitikus 17:6

Ńapamokʼ tạmbu reakʼ duạr ṭhen Probhu Isorakʼ pinḍre naeke do uni janwarakʼ mãyãme irciyakʼa ar Probhu Isore kusiyakʼ jut so lekate janwarakʼ itil doe jeretʼ giḍikakʼa.

Dosar Biboron 12:2

Okoe jạtrenkoakʼ bedokhol lạgitʼpe calakʼkan onḍe usul buru ar boṭkocʼkore ar hạriạṛ dare buṭạkore akoren debotako sewawako kan tahẽkan onako jaega dope marao giḍikakʼa.