Levitikus 16:2 - সান্তালী বাইবেল

² “Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Levitikus 16:2 Iomraidhean Croise

1 Rapajko 6:16

Mundil oṛakʼre sonot utạrakʼ ṭhạ̃i ńutumanakʼ mitʼṭecʼ bhitri kandha benao lạgitʼ uni do mundil oṛakʼ reakʼ tayom secʼre bargel moka jaega do ot khon chad hạbicʼ debdạru kaṭteye begarkeda.

1 Rapajko 8:6

Ona tayom naekeko do Probhu Isorakʼ bondobos sinduk niṭ akatʼ ṭhạ̃ire, mundil oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

Exodus 30:10

Puruchun lạgitʼ kại ńutumte samaṅokʼakʼ mãyãm do pinḍ reakʼ dereńkorem ojokʼakʼa ar Aron do bochorre mitʼ dhao pinḍe saphaea. Ar nonkate maraṅ naeke do piṛhike piṛhi bochorre mitʼ dhao noa kạmi hoyokʼtaea. Noa do Probhu Isor ńutumte sonot utạrakʼ pinḍ kana.”

Levitikus 16:13

Onḍe uni do Probhu Isor samaṅre seṅgel cetanre dhupe jereda. Ar ona dhup reakʼ dhũạte goha sinduk cetan reakʼ daya duṛupʼakʼ do danaṅokʼa ar onate uni do bae gujukʼa.

Levitikus 16:34

“Noa do ape lạgitʼ mitʼṭecʼ niạm kana. Uni do Israelkoakʼ sanam kại reakʼ puruchun lạgitʼ bochorre mitʼ dhao kạmi hoyokʼtaea.” Ar Mose do Probhu Isore hukum akawade leka jotowakʼgeye kạmikeda.

Levitikus 23:27

“Niạ eae cando reakʼ gelakʼ din do kại ńutumte puruchun reakʼ din kana. Ona din do apeakʼ mitʼṭecʼ sonot jarwakʼpe hoeocoya ar apnarakʼ jiwipe nindhạntapea. Ar apeakʼ ona din do Probhu Isor ńutumte seṅgelteakʼ samaṅokʼakʼpe samaṅa.

Levitikus 8:35

Ar jemon alope gujukʼ onate teheń khon eae din hạbicʼ siń ńindạ ńapamokʼ tạmbu bhitrirepe tahena ar Probhu Isorakʼ khojakʼ lekape kạmiya. Ente iń do noa hukumgeń ńam akada.”

Numeri 17:10

Inạ tayom Probhu do Moseye metadea, “Ṭhoṭhok hoṛko lạgitʼ mitʼṭecʼ cinhạ ńutumte Aronakʼ ṭheṅga do arhõ goha sinduk samaṅre dohokakʼme. Onate am do iń upạrte onkoakʼ karacʼ kurujokʼakʼem thir ocoytakoa, onate onko do ar bako gujukʼa.”

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Numeri 4:19

Ar sonot utạrakʼ jinis ṭhen senkate aloko gujukʼ bickom, jiwetʼko tahen ona lạgitʼ Aron ar uniren hoponko do sonot tạmbure bolokate apan ạpin kạmi ar apan ạpin bojhako hạṭińakoa.

Numeri 4:5

Ḍera uṭhạukʼre Aron ar uniren hoponko do sekʼwa tạmbu bhitrite bolokate goha sinduk reakʼ dapalakʼ orwal raṛa pheḍkate onate sindukko poṭoma.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Ibriko 6:19

Noa as do aboakʼ jionre loṅgor leka khạṭi ar kajakgea, ar ona do sonot jaega reakʼ orwal tayomre, metakʼme Isor samaṅre seṭerokʼa.

Ibriko 9:25

Maraṅ naeke do janwarkoakʼ mãyãmate cetʼleka jao bochor sonot utạrakʼ jaegareye bolokʼkan tahẽkan, Mạsi acʼhõ onkaleka bar bar dãṛẽ samaṅokʼ lạgitʼ sermate do bae boloakana.

Ibriko 9:3

Dosarakʼ orwal tayomre tạmbu reakʼ ar mitʼ hạṭiń tahẽkana; ona reakʼ ńutum do sonot utạrakʼ jaega.

Ibriko 9:5

Ona sunduk cetanre Isorakʼ ṭhonokte perecʼ sonaren barea Kerubkin tahẽkana. Unkinakʼ phạ̃kṛạ̃kte ona sunduk reakʼ ḍhaknakin umulakatʼ tahẽkana. Noa ḍhaknare do kạiko hạrupʼkakʼkan tahẽkana. Menkhan noako reakʼ ńitokʼ do khode khod babo roṛ daṛeakʼkana.

Johan sodor 15:8

Isorakʼ mạhima ar daṛe khon okaṭakʼ dhũạ oḍokokʼkan tahẽkan ona dhũạte mundil oṛakʼ do perecʼena. Onko eae goṭen serma goḍetkoakʼ eae goṭecʼ sạjại ạuri cabakʼ hạbicʼ okoe hõ ona mundilre do bako bolo daṛeada.