Levitikus 15:5 - সান্তালী বাইবেল

⁵ Hoṛmo khon besaphawakʼ oḍokokʼkantae hoṛakʼ aṭetʼ okoeye joṭed uni hõ acʼakʼ kiricʼko saphaetae hoyokʼtaea, ar ạyupʼ hạbicʼ besapha akane tahena.

Levitikus 15:5 Iomraidhean Croise

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Jesaea 1:16

Ape do apnartetʼ khạṭikʼpe ar saphakʼpe. Ińakʼ mẽtʼãhã samaṅ khon apeakʼ sanam bạṛicʼ kạmiko sạṅgiń giḍikakʼpe; ar onako alope kạmiya.

Jesaea 22:14

Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Jeheskel 36:29

Iń do apeakʼ sanam besaphawakʼ khoniń rukhiyạpea. Ar aema phosolkoń emapea ar apeakʼ disạmre akal do ar bạń kola.

Levitikus 11:24

“Noko iạte ape dope besaphakʼa. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 11:28

Ar jãhãege onkoakʼ mạ̃ṛĩye idiy uni do acʼakʼ kicricʼe saphaetaea ar ạyupʼ hạbicʼ besapha akane tahena. Ape lạgitʼ noko jiwiyanko doko besaphagea.

Levitikus 11:32

Noko modren mitʼṭecʼ hõ jãhãnakʼ jinis cetanreye gocʼkate ńur akan tahen enḍekhan ona hõ besaphawakʼ hoyokʼa. Baṅ do kaṭ reakʼ jãhãn bhajan, baṅ do kicricʼ, baṅ do harta, baṅ do bosta, jãhãn sapapʼakʼge, ar onate jãhãnakʼgeko kạmi ona joto do besaphawakʼ hoyokʼa. Ona jinis do dakʼre topo dohokakʼ hoyokʼa. Ar ạyupʼ hạbicʼ besaphage tahena, ar ona tayom do saphawakʼ hoyokʼa.

Levitikus 13:34

Ona eae din hilokʼ naeke do arhõe biḍạutaea ar unre hartare ona baṅ pasnao akan ar bhitrite hõ baṅ bolo akan, enḍekhan naeke do sapha menteye lại sodorea. Ar uni do kicricʼkoe saphaetaea are saphakʼa.

Levitikus 13:6

Ar eae din hilokʼ naeke do arhõe ńeltaea. Ar inạko dinte hartare pasnao baṅkate cabalen khan uni do saphageae menteye lại sodorea, ente ona do eken bhumri kana ar jãhãnakʼ do baṅkana. Unre uni hoṛ do acʼakʼ kicricʼkoe saphaetaea ar ona tayom doe sapha utạrokʼa.

Levitikus 15:18

Jãhãe herel hoṛ acʼren bạhutetʼ sãoteye giticʼmitʼlen khan ar herelteakʼ reakʼ itạ oḍoklentae khan unkin do bana hoṛge ḍạbrạ saphakʼ hoyokʼtạkina, ar ạyupʼ hạbicʼ besapha akankin tahena.

Levitikus 15:4

Ar okaṭakʼ aṭetʼre uniye giticʼ are duṛupʼ ona joto do besaphawakʼ hoyokʼa.

Levitikus 15:6

Ar okoe uniyakʼ duṛupʼakʼreye duṛupʼ uni hõ acʼakʼ kicricʼ saphaetae hoyokʼtaea, ar ạyupʼ hạbicʼ besapha akane tahena.

Levitikus 16:26

Ar okoeṭakʼ hoṛ do Asasel lạgitʼ merom bodae aṛakʼgotʼkae uni hõ acʼakʼ kicricʼe saphaetaea are ḍạbrạ saphakʼa, ar ona tayom do ḍera bhitriteye bolokʼa.

Levitikus 16:28

Ar okoe hoṛ ona atar giḍikakʼ lạgitʼ bahreteye calakʼ uni do acʼakʼ kicricʼkoe saphaetaea are ḍạbrạ saphakʼa ar ona tayom do ḍera bhitriteye bolokʼa.

Levitikus 17:15

“Jãhãege gocʼ janwar se bir janwar tite cirạ ocoakan janwarakʼ jele jom, baṅ do Israelkoge cetʼ baṅ do onko talareko girobasokʼkan eṭakʼ jạtren hoṛkoge cetʼ, uni do acʼakʼ kicricʼkoe saphaetaea are ḍạbrạ saphakʼa. Ar ạyupʼ hạbicʼ besapha akane tahena, ar ona tayom do chut meṭaokʼtaea.

Numeri 19:10

Okoe hoṛ uni gạiyakʼ torocʼe samṭao idiy uni hõ kicricʼkoe saphaetaea ar ạyupʼ hạbicʼ besapha akane tahena. Noage Israelko ar onare girobasokʼ kan eṭakʼ jạtren hoṛko lạgitʼ piṛhike piṛhi mitʼṭecʼ niạm do tahẽna.

Numeri 19:22

Besapha akan hoṛ jãhãnakʼgeye joṭed onage besaphawakʼ hoyokʼa ar uni joṭetʼakʼ jinis okoeye joṭed uni hõ ạyupʼ hạbicʼ besapha akane tahen.”

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭiạukate sapha ocoakana ar phạriạ dakʼte hoṛmo do um sapha akan tabona.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ibriko 9:26

Ar onkage hoyokʼ hoylentae khan enḍekhan dhạrti sirjạu khon ehopʼkate ạḍi dhaoge duk jomkate gujukʼ hoykokʼtaea; menkhan ńitokʼ sanam jugko reakʼ mucạtʼre uni do mitʼ dhaogeye sodorena jemon apnartetʼe dãṛẽkʼte kạikoe ocokʼ giḍikakʼ.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

1 Samuel 20:26

Enhilokʼ Sạul do cetʼge bae menleda, enteye hudiskeda, hoedaṛeakʼa Dạud do jãhãnakʼ iạteye besapha akana; ar khạṭige uni do bae saphawa.