Levitikus 12:8 - সান্তালী বাইবেল

⁸ Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”

Levitikus 12:8 Iomraidhean Croise

Levitikus 1:14

“Probhu Isor ńutumte noa jeredokʼ samaṅokʼakʼ do jãhãn cẽṛẽkote hoeocoye menetʼ khan samaṅetʼkạnicʼ do mitʼṭen potam se parwa baṛeye ạguiyema.

Levitikus 12:7

Ar naeke do Probhu Isor samaṅre onkoe samaṅkoa ar onate uniyakʼ chut do meṭaokʼtaea, ar ona tayom uni do acʼakʼ mãyãm oḍokokʼ reakʼ chut khone saphakʼa. Noa do gidrại janame tayom maejiuakʼ niạm kana.

Levitikus 13:1

Inạ tayom Probhu Isor do Mose ar Arone metatʼkinạ,

Levitikus 14:21

“Menkhan uni doe reṅgecʼ hoṛkan khan ar onako ạgui reakʼ daṛe bạnukʼtae enhõ dos ńutumte samaṅokʼakʼ lạgitʼ uni do mitʼṭen bheḍa hopon ạguiye hoyokʼtaea, ar naeke do puruchun ńutumteye dolaoea. Ar ona sãote uni hoṛ do jomakʼ samaṅokʼakʼ lạgitʼ mitʼ keji irạl sae gram sunum mesalakatʼ mĩhĩ holoṅ, mitʼ liṭar pe poa sunum ar barea potam hopon baṅkhan barea parwa hopon ạgukin hoyokʼtaea, noa do uniyakʼ daṛeakʼ bahre do baṅkana. Ar unkin cẽṛẽ modre mitʼṭen do kại ńutumte ar eṭagicʼ do jeredokʼ samaṅokʼicʼ ńutumteye samaṅkina.

Levitikus 15:14

Ar irạlakʼ dinre uni do barea potam hopon arbaṅ khan barea parwa hopon ńapamokʼ tạmbu reakʼ duạr ṭhen Probhu Isor samaṅreye ạgukinạ ar naeke ṭhene jimạkinạ.

Levitikus 15:15

Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Levitikus 15:29

Ar irạlakʼ dinre uni do barea potam hopon arbaṅ khan barea parwa hopon ńapamokʼ tạmbu reakʼ duạr ṭhen Probhu Isor samaṅre naeke ṭhene ạgukinạ.

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Levitikus 5:11

“Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Levitikus 5:7

“Uni hoṛ do bhiḍi pạṭhi bae ạgu daṛeae, enḍekhan uniyakʼ ona behok reakʼ ḍanḍom lekate Probhu Isor ńutumte barea potam se barea parwa lagaoaea. Unkin modre mitʼṭen do kại ńutumte ar eṭagicʼ do jeredokʼ samaṅokʼakʼ lạgitʼ.

Mathae 21:12

Ado Jisu mundilteye boloyen khan onḍeko kiriń-ạkhrińkan tahẽkan joto doe laga oḍokketʼkoa. Uni do ṭaka bodolkoakʼ mạciko ar parwa kiriń-ạkhirińkoakʼ duṛupʼakʼkoe ulṭạu giḍikatʼteye metatʼkoa,

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.