Levitikus 12:6 - সান্তালী বাইবেল

⁶ “Menkhan koṛa se kuṛi gidrạ janam tayom uniyakʼ chut meṭaokʼ reakʼ dinko purạulen khan uni do ńapamokʼ tạmbu reakʼ duạr samaṅre jeredokʼ samaṅokʼakʼ lạgitʼ naeke ṭhen mitʼ bochor umerren mitʼṭen bhiḍi hopon ar kại ńutumte samaṅokʼ lạgitʼ mitʼṭen potam se parwa hopon idi kin hoyokʼtaea.

Levitikus 12:6 Iomraidhean Croise

Genesis 15:9

Probhu Isore roṛ ruạṛkeda, “Am do mitʼṭen bạchur, ar mitʼṭen merom ar mitʼṭen bheḍa iń ṭhenem ạgukoa. Onko sanamkoakʼ umer do jemon pe bochor hoyokʼ. Ona sãote mitʼṭen potam ar mitʼṭen parwa hopon hõ soṅgetem ạgukinạ.”

Levitikus 12:2

“Am do Israelkom metakoa, jãhãe maejiue bhạrti hoṛmolen khan ar uniren koṛa gidrại hoylen khan uni do acʼakʼ candoteakʼ lekage besapha akane tahena. Uni do eae din hạbicʼ besaphageye tahena.

Levitikus 12:5

Ar maejiuren do kuṛi gidrại hoylen khan hõ acʼakʼ candoteakʼ lekage besapha akane tahena, ar bar hapta hạbicʼ besaphageye tahena. Ar mãyãm oḍokokʼ khon saphakʼ lạgitʼ turuigel turui din hạbicʼ koyokʼ hor akae tahen hoyokʼtaea.

Levitikus 12:7

Ar naeke do Probhu Isor samaṅre onkoe samaṅkoa ar onate uniyakʼ chut do meṭaokʼtaea, ar ona tayom uni do acʼakʼ mãyãm oḍokokʼ reakʼ chut khone saphakʼa. Noa do gidrại janame tayom maejiuakʼ niạm kana.

Levitikus 15:14

Ar irạlakʼ dinre uni do barea potam hopon arbaṅ khan barea parwa hopon ńapamokʼ tạmbu reakʼ duạr ṭhen Probhu Isor samaṅreye ạgukinạ ar naeke ṭhene jimạkinạ.

Levitikus 15:29

Ar irạlakʼ dinre uni do barea potam hopon arbaṅ khan barea parwa hopon ńapamokʼ tạmbu reakʼ duạr ṭhen Probhu Isor samaṅre naeke ṭhene ạgukinạ.

Numeri 6:10

Ar irạl mãhã hilokʼ do ńapamokʼ tạmbu reakʼ duạrre naeke ṭhen barea potam ar baṅkhan barea parwa idikin hoyokʼtaea.

Luk 2:22

Ado Moseyakʼ ạn lekate onkoakʼ chut meṭaokʼ reakʼ okte seṭeren khan, Joseph ar Mạriạm do Probhu Isor samaṅre hạjiri lạgitʼ Jerusalemte kin idikedea,

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.