Levitikus 10:16 - সান্তালী বাইবেল

¹⁶ Kại ńutumte okoeṭakʼ merom bodae samaṅlen Mose do uniyakʼ jel reaṅ khojkateye baḍaekeda uni doe jeretʼ caba akana. Onate uni do Aronren sarecʼ banar hopon Eleasar ar Ithamar cetanre raṅgaoenteye metatʼkinạ,

Levitikus 10:16 Iomraidhean Croise

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.

Levitikus 6:17

Ar khạmi mesalkate ona do jemon alo rapagokʼ. Noa do iń ńutumte seṅgelre samaṅokʼakʼ jinis reakʼ onkoń ematʼkoa. Kại ńutumte samaṅokʼ ar dos ńutumte samaṅokʼakʼ leka jomakʼ samaṅokʼakʼ reakʼ noa hĩs hõ sonot utạrakʼ jinis kana.

Levitikus 6:26

Okoeṭakʼ naeke noa samaṅokʼakʼ reakʼe kạmi uni do noa reakʼ jele joma. Uni do jãhãn sonot ṭhạ̃ire, metakʼme ńapamokʼ tạmbu reakʼ racare ona jojom hoyokʼtaea.

Levitikus 6:30

Sonot ṭhạ̃ire kại ńutumte samaṅokʼicʼ janwarakʼ mãyãm do ńapamokʼ tạmbure aderlen khan ona reakʼ jel do baṅ jom hoyokʼa, ar ona do atar giḍikakʼ hoyokʼa.

Levitikus 9:15

Ona tayom Aron do hoṛkoren samaṅokʼren janwarkoe ạguketʼkoa. Uni do hoṛkoakʼ kại ńutumte merome dãṛẽkedea ar lahate leka uni hotetege kại ńutumte samaṅokʼakʼe samaṅkeda.

Levitikus 9:3

Ar Israelkom metakoa jemon onko do Probhu Isor samaṅre kại ńutumte samaṅokʼ lạgitʼ mitʼṭen merom, jeredokʼ samaṅokʼ lạgitʼ mitʼṭen mĩhũ ar mitʼṭen bhiḍi hopon ar sulukren samaṅokʼ lạgitʼ mitʼṭen ḍaṅgra ar mitʼṭen bheḍako ạguko. Mĩhũ ar bheḍa hopon banarge jemon mitʼ bochor umerrenkin hoyokʼ ar jemon unkin do niphuṭ utạrkin hoyokʼ. Ar onko sãote jemon sunum mesalakatʼ jomakʼ samaṅokʼakʼ reakʼ jinis hõko ạgu darae. Noako nonkae hoyokʼtakoa ente Probhu Isor do onko ṭhene ńel ocokʼa.”

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Mark 10:14

Jisu do ona ńelkate bae kusilente celakoe metatʼkoa, “Kạṭicʼ gidrạko iń ṭhen hecʼ ocoakope, alope manakoa; ente Isorakʼ raj do nonkankoakʼ kangea.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,