Levitikus 10:1 - সান্তালী বাইবেল

¹ Aronren hopon Nadab ar Ạbihu do ạkinakʼ seṅgel reakʼ ḍhạknicʼre seṅgel hataokate ona cetanre dhupkin curucʼada. Unkin do Probhu Isorakʼ hukum bahre eṭakʼ seṅgelte Probhu Isor ńutumte dhupkin samaṅkeda.

Levitikus 10:1 Iomraidhean Croise

1 Rapajko 18:38

Unre coṭ khon Probhu Isorakʼ seṅgel do pheḍ hecʼente samaṅakʼ jelko, sahanko, dhiriko ar hasakoe jomkeda ar nala reakʼ dakʼ hõe jal ańjetʼkeda.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Exodus 24:1

Tayomte Probhu Isor do Moseye metadea, “Aron, Nadab, Abihu ar Israelkoren eaegel murubbiko soṅgekate am do iń ṭhen rakapʼ hijukʼme. Ar rakapʼ hijukʼ jokhecʼ sạńgińre tahen khonge taberate ińpe sewawạńạ.

Exodus 24:9

Noa tayom Mose, Aron, Nadab ar Israelkoren eae gel murubbiko do buru coṭte rakapʼ senkate Israelren Isorko ńelkedea. Uniyakʼ jaṅga talka do sapha rimilre Nilkanto monite bạisạu akatʼ leka tahẽkana.

Exodus 27:3

Pinḍ reakʼ torocʼ giḍikakʼ lạgitʼ jinis ar kạ̃ṛchuko, samaṅakʼ mãyãm dohoy lạgitʼ bạṭi, jel rakab lạgitʼ kãṭãko ar seṅgel dohoy lạgitʼ celaṅko jotoge pitạl reakʼem tear ocoya.

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Exodus 31:11

Ojokʼ bahalokʼ lạgitʼ sunum ar sonot ṭhạ̃ire lạgitʼ jut so dhupko. Ar amiń hukum akawatʼme leka onko do jemon onako benao daṛeakʼ.”

Exodus 37:29

Ona chaḍa riritʼko reakʼ dharate jut so mosola reakʼ nirạ dhup ar ojogokʼ sunum hõe tearkeda.

Exodus 38:3

Ar pinḍ reakʼ jotowakʼ asbabko, metakʼme ṭukucʼko, kạ̃ṛchuko, chichiṭiạu lạgitʼ bạṭi, jel rakab lạgitʼ kãṭãko, bursiko noako jotoge pitạl reakʼe benaokeda.

Exodus 6:23

Aronren hopon doko hoyokʼ kana Nadab, Abihu, Eleasar ar Ithamar. Aron do Aminadabren hoponera Nahsonren misera Elisebae baplaledea ar uni khonge noko doko janamlena.

Exodus 8:27

Aleren Probhu Isorakʼ hukum leka ale do hahaṅkar talate pe din reakʼ horte senkate uni ńutumte dãṛẽle samaṅa.”

Jirimiạ 19:5

Onko do Bakʼal ńutumte jeredokʼ samaṅokʼakʼko menkate akoren hoponko seṅgelre atar giḍiko lạgitʼ Bakʼal boṭkocʼ thankoko benao akada, menkhan iń do bạń hukum akada se bạń menakada ar ona do ińakʼ monre tishõ baṅ rakapʼakana.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jirimiạ 44:15

Unre okoe hoṛko baḍaekan tahẽkan baṅma, akoren bạhuko do debotako ńutumte dhupko jeretʼeda ar onḍe jarwa akan sanam maejiuko, metakʼme Misor reakʼ Pathros ṭoṭhare girobasokʼ kan maejiuko do Jirimiạko metadea,

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.

Levitikus 16:1

Aronren hoponkin do Probhu Isor samaṅre sen soren iạtekin gocʼen tayom Probhu do Moseye galmaraoadea.

Levitikus 16:12

Ar Probhu Isor samaṅre okaṭakʼ pinḍ menakʼ ona khon jolokʼkan aṅgra seṅgel hataokate mitʼṭecʼ ḍhạknicʼreye dohoya ar gunḍạ akatʼ bar cuputʼ dhupe hataoa. Ar orwal reakʼ bhitri secʼe adera.

Levitikus 22:9

“Naekeko okań hukum akatʼko ona do manao hoyokʼtakoa. Ar bako manao khan onko do dusiko hoyokʼa ar besapha iạteko gujukʼa. Iń Probhu Isorge onko doń begar dohoakatʼkoa.

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 26:61

Nadab ar Abihu do Probhu Isor samaṅre niạm bahre seṅgelre dhupkin samaṅletʼte unkin dokin gocʼena.

Numeri 4:18

“Liwiko tala khon Kohat gusṭiren hoṛko jemon aloko maraokʼ.

Dosar Biboron 12:32

“Iń okakoń hukumatʼpe onako sanamakʼpe manaoa; ar noa sãote cetʼ hõ alope juṭucʼakʼa, ar niạ khon jãhãnakʼ hõ alope kaṭaoa.

Dosar Biboron 17:3

Ar hoedaṛeakʼa uni do ińakʼ hukum birudre senkate debotakoe sewawako ar onko debota se siń cando, ńindạ cando se sermaren ipilkoe sewawako.

Dosar Biboron 4:2

Iń do okaṭakʼ hukumiń emapekan ona sãote jãhãnakʼ alope juṭucʼakʼa ar ona khon jãhãnakʼ hõ alope meṭao giḍikakʼa. Ape do aperen Probhu Isorakʼ emakʼ hukumgepe manao idiya.

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.