Levitikus 1:5 - সান্তালী বাইবেল

⁵ Ona tayom Probhu Isor samaṅre uni ḍaṅgra do dãṛẽye hoyokʼa ar naeke Aronren hoponko do uniyakʼ mãyãmte ńapamokʼ tạmbu reakʼ duạr ṭhenakʼ pinḍ beṛhaeteko irciyakʼa.

Levitikus 1:5 Iomraidhean Croise

2 Bõsbudạ 35:11

Liwiko do bańcaokʼ porobren merom ar bheḍako gurketʼkoa ar naekeko do onkoakʼ ti khon mãyãm hataokateko chiṭiạukeda, ar Liwiko do janwarko khalketʼkoa.

Exodus 29:11

Ona tayom ńapamokʼ tạmbu reakʼ duạr ṭhen Probhu samaṅre ḍaṅgram magea.

Exodus 29:16

Inạ tayom uni bheḍam mageya ar uniyakʼ mãyãm hataokate pinḍ beṛhaetem irciwakʼa.

Exodus 40:6

Sekʼwa tạmbu, metakʼme ńapamokʼ tạmbu reakʼ duạr samaṅre jeredokʼ samaṅokʼ reakʼ pinḍem benaoa.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

Jeheskel 43:18

Ona tayom uni do ińe metadińạ, “E manwa hopon, Probhu Isore menetʼkana, pinḍ benao sạtlen khan ar oka hilokʼ Probhu Isor ńutumte ona samaṅokʼa ar ona cetanre jeredokʼ samaṅokʼakʼ reakʼ mãyãm ircikʼa enhilokʼ noa niạm do manao hoyokʼa;

Levitikus 1:11

Ar samaṅetʼkạnicʼ do pinḍ reakʼ utạr secʼre idikate Probhu Isor ńutumteye magea, ar Aronren hoponko do uniyakʼ mãyãm hataokate pinḍ beṛhaeteko irciyakʼa.

Levitikus 1:15

Ar naeke do pinḍ ṭhen idikate uniyakʼ bohokʼe peṭer topagtaea ar uniyakʼ mãyãm do roḍocʼ oḍokkate pinḍ reakʼ bhitreye joro hińjitʼ ocoytaea ar pinḍ cetanreye jeretʼ cabayea.

Levitikus 16:15

“Ar ona tayom uni do hoṛkoakʼ kại ńutumte samaṅ akade merom bodae gurea ar uniyakʼ mãyãm do orwal bhitri secʼe adera ar ḍaṅgra mãyãmte okae cekaletʼ onkage nui bodawakʼ mãyãmte hõe onkaea. Ar sinduk reakʼ daya duṛupʼakʼre ar samaṅ secʼre ona mãyãme irciyakʼa.

Levitikus 17:11

ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Levitikus 3:13

Uni do meromakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ar noa tayom Aronren hoponko do uniyakʼ mãyãm hataokate pinḍ beṛhateko irciyakʼa.

Levitikus 3:2

Samaṅetʼkạnicʼ do ạgu akade janwarakʼ bohokʼre acʼakʼ tiye dohoytaea ar ńapamokʼ tạmbu reakʼ duạr thene gureya. Ona tayom Aronren hoponko, metakʼme naeke do ona mãyãm hataokate pinḍ beṛhaeteko irciyakʼa.

Levitikus 3:8

Uni do bheḍa hoponakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ona tayom Aronren hoponko do uni reakʼ mãyãm hataokate pinḍ beṛhaeteko irciyakʼa.

Levitikus 4:29

Uni do meromakʼ bohokʼre acʼakʼ tiye dohoytaea ar jeredokʼ samaṅokʼ reakʼ ṭhạ̃ireye gureya.

Levitikus 4:33

Ar uni do bhiḍiyakʼ bohokʼre acʼakʼ tiye dohoytaea ar jeredokʼ samaṅokʼren janwar dãṛẽko reakʼ ṭhạ̃ire idikateye gureya.

Levitikus 4:7

Inạ tayom thoṛa mãyãm hataokate ńapamokʼ tạmbure Probhu Isor samaṅre one okare jut so mosola reakʼ pinḍ menakʼ ona reakʼ dereńkoreye ojokʼakʼa. Ar sarecʼakʼ mãyãmte do ńapamokʼ tạmbu reakʼ duạr ṭhen one okare jeredokʼ samaṅokʼakʼ reakʼ pinḍ menakʼ ona aṛereye dulkakʼa.

Mikạ 6:6

Iń do cetʼkoante Probhu Isor samaṅreń hijukʼa ar coṭren Isor samaṅreń omagokʼa? Iń do cetʼ jeredokʼ samaṅokʼakʼ lạgitʼ mitʼ bochor umerren mĩhũkoante uni samaṅreń hijukʼa?

Numeri 18:17

Menkhan pạhile janam akan nonkan ạnḍiạ ḍaṅgra se bheḍa se merom boda hopon chaḍaoko do baṅ ganokʼa. Noko doko sonotgea. Am do pinḍ cetanre onkoakʼ mãyãmem irciya ar seṅgelre samaṅokʼakʼ lekate onkoakʼ itilem jereda. Noa reakʼ jut so Probhu Isor doe kusiyakʼa.

Ibriko 10:11

Mimitʼ naekeko do dinạmge teṅgokate Isorko sewawae kana ar mitʼ talao inạ mitʼlekage dãṛẽko samaṅeda, menkhan nonkan dãṛẽte kại do tishõ ohoko ocokʼ daṛelea.

Ibriko 12:24

Okoe doe nãwã bondobosren dene banaricʼ kan uni Jisu ṭhenpe hecʼakana; ar Habelakʼ mãyãm khon okaṭakʼ mãyãm do artetʼ bhage kathae roṛ, ona chiṭiạu akan mãyãm ṭhenpe hecʼakana.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.

1 Samuel 1:25

Onḍe onko do mitʼṭen ḍaṅgrako dãṛẽkedea ar gidrạ do Eli ṭhene idikedea.