Levitikus 1:4 - সান্তালী বাইবেল

⁴ Ar uni do jeredokʼ samaṅokʼakʼ lạgitʼe ạgu akade ḍaṅgrawakʼ bohokʼre tiye dohoytaea; ar ona do acʼakʼ puruchun lạgitʼ ataṅokʼtaea.

Levitikus 1:4 Iomraidhean Croise

Exodus 28:38

Noa do Aronakʼ cạndire tahena. Ar Israelko oka jinis samaṅ lạgitʼko ạgui ona reakʼ sanam dos bojha do Aronge gogokʼ hoyokʼtaea. Probhu Isor jemon onkoe ataṅko onate Aronakʼ cạndi cetanre noa sona reakʼ pat do jao okte tahena.

Exodus 29:10

“Ar uni ḍaṅgra do ńapamokʼ tạmbu samaṅrem ạguyea, ar Aron ar uniren hoponko do uni ḍaṅgrawakʼ bohokʼre akoakʼ tiko dohoytakoa.

Exodus 29:15

“Ona tayom unkin bheḍakin modre mitʼṭenem ạguyea. Aron ar uniren hoponko do uni bheḍawakʼ bohokʼre akoakʼ tiko dohoytakoa.

Exodus 29:19

“Ar uni eṭagicʼ bheḍa hõm hataoea ar Aron ar uniren hoponko do uniyakʼ bohokʼ cetanre akoakʼ tiko dohoytakoa.

Exodus 29:33

Naeke kạmire bahalko lạgitʼ ar iń ńutumte begar dohoko lạgitʼ oka samaṅokʼakʼ jomakʼ puruchun lạgitʼ beoharokʼ ona do Aron ar uniren hoponko jojom hoyokʼtakoa. Eṭakʼ hoṛ ona do bako jom daṛeakʼa, ente ona do sonotakʼ jomakʼ kana.

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jeheskel 45:15

Israel disạm talare bhage jumireko ạtiń nonkan mimitʼ barsae bhiḍi-merom khon mitʼṭen hopon emokʼ hoyokʼtapea. Hoṛkoakʼ kại puruchun lạgitʼ noako do anaj samaṅokʼakʼ, jeredokʼ samaṅokʼakʼ ar sulukren samaṅokʼ lạgitʼko beoharokʼa.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Levitikus 16:21

Ar acʼakʼ banar ti do uni merom bodawakʼ bohokʼreye dohoya ar Israelkoakʼ sanam behokakʼ ar bebatao, metakʼme onkoakʼ sanam ghạṭko reakʼ aṅgockate merom bodawakʼ bohokʼreye ladewaea. Ar ona kạmi lạgitʼe sapṛao akan hoṛ hotete uni do hahaṅkarteye kolgotʼkaea.

Levitikus 16:24

Ona tayom uni do sonot tạmbu oṛakʼ reakʼ ṭhạ̃ire senkateye ḍạbrạkʼa ar acʼakʼ kicricʼe horoga. Ar oḍok hecʼkate acʼ ar acʼren hoṛkoakʼ kại ńutumte puruchun reakʼe kạmiya.

Levitikus 22:21

Jãhãege manot akatʼakʼ purun lạgitʼ apnar kusite Probhu Isor ṭhen sulukren samaṅokʼakʼ samaṅe men khan uni do mitʼṭen niphuṭ utạricʼ ḍaṅgra, bheḍa se merom boda ạguiye hoyokʼtaea. Ar uniyakʼ hoṛmore jãhãn dos tahẽlen khan uni do samaṅokʼakʼ menkate baṅ ataṅokʼa.

Levitikus 22:27

“Janam tayom ḍaṅgra, bheḍa se meron boda hopon acʼren eṅgattetʼ sãote eae din hạbicʼpe tahẽ ocoaea. Ar irạlakʼ din khon do Probhu Isor ńutumte seṅgelre samaṅokʼakʼ lekateye ataṅokʼa.

Levitikus 3:13

Uni do meromakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ar noa tayom Aronren hoponko do uniyakʼ mãyãm hataokate pinḍ beṛhateko irciyakʼa.

Levitikus 3:2

Samaṅetʼkạnicʼ do ạgu akade janwarakʼ bohokʼre acʼakʼ tiye dohoytaea ar ńapamokʼ tạmbu reakʼ duạr thene gureya. Ona tayom Aronren hoponko, metakʼme naeke do ona mãyãm hataokate pinḍ beṛhaeteko irciyakʼa.

Levitikus 3:8

Uni do bheḍa hoponakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ona tayom Aronren hoponko do uni reakʼ mãyãm hataokate pinḍ beṛhaeteko irciyakʼa.

Levitikus 4:15

Ona tayom Israelkoren mukhiyạko do Probhu Isor samaṅre uni ḍaṅgrawakʼ bohokʼre tiko dohoytakoa. Ar naeke do Probhu Isor samaṅre uniye gureya.

Levitikus 4:24

Uni do bodawakʼ bohokʼre acʼakʼ tiye dohoytaea ar jeredokʼ samaṅokʼakʼ dãṛẽ mente Probhu Isor samaṅreye gureya; noa do kại ńutumte mitʼṭen samaṅokʼakʼ kana.

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Levitikus 4:29

Uni do meromakʼ bohokʼre acʼakʼ tiye dohoytaea ar jeredokʼ samaṅokʼ reakʼ ṭhạ̃ireye gureya.

Levitikus 4:31

Ar sulukren samaṅ akade janwarakʼ itil oḍok lekage nui samaṅ akade janwarakʼ itile oḍoktaea ar pinḍ cetanreye jeretʼ cabaya. Ar noa reakʼ jut so Probhu Isor doe kusiyakʼa. Nonkate naeke do uni hoṛakʼe puruchuna ar uniyakʼ kại do ikạkʼtaea.

Levitikus 4:33

Ar uni do bhiḍiyakʼ bohokʼre acʼakʼ tiye dohoytaea ar jeredokʼ samaṅokʼren janwar dãṛẽko reakʼ ṭhạ̃ire idikateye gureya.

Levitikus 4:35

Ar sulukren samaṅokʼicʼ bhiḍiyakʼ itil oḍok lekage uni do uniyakʼ hõ sanam itilkoe oḍoka. Ar ona tayom Probhu Isor ńutumte seṅgelteakʼ samaṅokʼakʼ mente uni do ona itilko pinḍ cetanreye jereda. Nonkate naeke do uni hoṛakʼe puruchuna ar onate uniyakʼ kại do ikạkʼtaea.

Levitikus 4:4

Uni do ńapamokʼ tạmbu reakʼ duạr ṭhen Probhu Isor samaṅreye ạguiyea. Ar uniyakʼ bohokʼre acʼakʼ tiye dohoytaea ar Probhu Isor samaṅreye gureya.

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 6:7

Ar naeke do Probhu Isor samaṅre kại reakʼ puruchun lạgitʼe kạmikataea. Ar noako reakʼ jãhãnakʼtegeye dusi akanʼ, uni doe ikạ ocokʼa.”

Levitikus 8:14

Ona tayom uni do kại ńutumte samaṅokʼicʼ ḍaṅgrae ạgukedea. Unre Aron ar uniren hoponko do ḍaṅgrawakʼ bohokʼre akoakʼ tiko dohoketʼtakoa.

Levitikus 8:18

Ona tayom uni do jeredokʼ samaṅokʼren bheḍae ạgukedea. Unre Aron ar uniren hoponko do bheḍawakʼ bohokʼre akoakʼ tiko dohokeda.

Levitikus 8:22

Ona tayom uni do eṭakʼ bheḍa, metakʼme samaṅokʼren bheḍae ạgukedea. Unre Aron ar uniren hoponko do uni bheḍa cetanre akoakʼ tiko dohoketʼtakoa.

Levitikus 9:7

Ona tayom uni do Arone metadea, “Am do pinḍ ṭhen senkate kại ńutumte samaṅokʼakʼ ar jeredokʼ samaṅokʼakʼem samaṅte amakʼ ar ona sãote hoṛkoakʼ kại reakʼ puruchunme. Ona chaḍa hoṛkoakʼ samaṅokʼakʼ hõ samaṅme ar onkoakʼ kại reakʼ puruchunme; ente Probhu do onageye hukumakada.”

Numeri 15:25

Naeke do goṭa Israel jạtrenko lạgitʼ ona behokakʼ reakʼe puruchuna. Onate onko do ikạko ńama, ente baḍaekate do bako onka akada ar onkoakʼ bhul iạte Probhu Isor ńutumte seṅgelteakʼ samaṅokʼakʼ ar kại ńutumte samaṅokʼakʼko samaṅa.

Numeri 15:28

Okoe hoṛ bhulkate nonkanakʼe ghạṭ khan naeke do Probhu Isor samaṅre uni hoṛakʼ ghạṭ reakʼ puruchun lạgitʼe kạmikataea. Ar ona puruchun tayom uni do ikạye ńama.

Numeri 25:13

Uni do acʼren Isorakʼ bakhra reakʼe ahkaokʼkante ar Israelkoakʼ kại reakʼ puruchune kạmi akatʼte uni lạgitʼ nonkan mitʼṭecʼ bondobosiń bandhao akada jemon naeke hudạ do uni ar uni bõsrenko talare jaejug hạbicʼ tahẽakan tahen.”

Numeri 8:10

Probhu Isor samaṅre Liwikom ạgukoa ar Israel hoponko do onko cetanre akoakʼ tiko capoea.

Numeri 8:12

Ona tayom Liwiko do unkin ḍaṅgra cetanre tiko capoetakoa ar am do Probhu Isor ńutumtem samaṅkinạ, mitʼṭen do kại ńutumten dãṛẽ mente ar eṭakʼicʼte do Liwikoakʼ puruchun lạgitʼ jeredokʼ samaṅokʼakʼ ńutumte.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

Ibriko 10:4

Ente ḍaṅgra ar meromkoakʼ mãyãmte kại do tishõ baṅ meṭao daṛeakʼa.

1 Johan 2:2

Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.