Levitikus 1:3 - সান্তালী বাইবেল

³ “Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 1:3 Iomraidhean Croise

Genesis 22:13

Unre Abraham do beṛhaeteye beṅgetʼ ạcurketʼ khan acʼ tayomre mitʼṭen bheḍa do jhạuạre dereń aṭkao akane ńelkedea. Unre Abraham do uni bheḍae ạgukedea ar acʼren hopon bodolte uniye teṅgenkedea.

Genesis 22:2

Isore menkeda, “Amren gidrạ, amren uni sadher hopon, okoe do ạḍim dulạṛede uni ar am do Moriạ ṭoṭhate calakʼ ben. Ar onḍe okaṭakʼ buru reakʼ kathań lạiyam onḍe mitʼṭecʼ jeredokʼ samaṅokʼakʼ lekate uni samaṅem.”

Genesis 22:8

Abrahame menkeda, “E beṭa, Isorge jeredokʼ samaṅokʼren dãṛẽ lạgitʼ bheḍa hopone jogaṛ alaṅa.” Ar noako katha roṛ roṛte unikin dokin laha idiyena.

Genesis 8:20

Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

2 Bõsbudạ 29:32

Onko do jeredokʼ samaṅokʼakʼ lạgitʼ eaegel ḍaṅgrako, mitʼsae bheḍako ar barsae bheḍa hoponko ạguketʼkoa. Noko do Probhu Isor ńutumte jeredokʼ samaṅokʼakʼren dãṛẽko tahẽkana.

2 Bõsbudạ 35:12

Moseyakʼ puthire olakʼ hukum leka onko do Probhu Isor ńutumte samaṅko lạgitʼ mimitʼ bõsren judạ judạ hạṭińren hoṛko emako lạgitʼ jeredokʼ samaṅokʼakʼ jiniskoko begar dohokeda. Onko do ḍaṅgrako reakʼ hõ onkageko kạmikeda.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Exodus 24:5

Ona tayom uni do mitʼbar Israel juạnkoe kolketʼkoa ar onko do Probhu Isor ńutumte jeredokʼ samaṅokʼ reakʼko porobena ar sulukren samaṅokʼakʼ lekate aema ḍaṅgrako dãṛẽketʼkoa.

Exodus 29:18

Inạ tayom do pinḍ cetanrem atar giḍikaea. Noa do Probhu Isor ńutumte mitʼṭecʼ jeredokʼ samaṅokʼakʼge, metakʼme Probhu Isor ńutumte seṅgelre mitʼṭecʼ samaṅokʼakʼge, one ona reakʼ jut so do uniye kusiyakʼ kan.

Exodus 29:4

Ona tayom Aron ar uniren hoponko do ńapamokʼ tạmbu reakʼ duạr ṭhenem idikoa ar dakʼtem ạbuk saphakoa.

Exodus 29:42

“Piṛhike piṛhi hạbicʼ ńapamokʼ tạmbu reakʼ duạr ṭhen Probhu Isorakʼ, metakʼme iń samaṅre noa jeredokʼ samaṅokʼakʼ do jaoge samaṅ hoyokʼa. Ar iń do onḍege ape sãoteń ńapamokʼa ar am tulucʼ iń galmaraoa.

Exodus 32:6

Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.

Exodus 35:21

Ar mone uskurketʼko apnarakʼ kusite Probhu Isor ńutumte sekʼwa tạmbu bekʼnao ar uniyakʼ kạmi lạgitʼ ar naekeakʼ sonot kicricʼko lạgitʼ jạruṛokʼakʼ lekate jotowakʼko ạgukeda.

Exodus 35:29

Probhu Isor do Mose hotete cetʼe cekae lạgidokʼkan tahẽkan ona kạmi lạgitʼ Israelren maejiuko ar herelko talare okoe uskurko ńamketʼ onko do daṛeakʼ bhor Probhu Isor lạgitʼko ạgukeda.

Exodus 36:3

Sonot ṭhạ̃i reakʼ sekʼwa kạmi lạgitʼ Israelkoakʼ ạguakʼ jinisko onko do Mose ṭhen khonko bhujhạu hataoana. Menkhan Israelko do din hilokʼ setakʼ jokhecʼ akoakʼ monsubạ leka jinis ạguiytegeko tahẽyena.

Exodus 38:1

Besalel do jeredokʼ samaṅokʼ lạgitʼ gabla kaṭ reakʼ mõṛẽ moka jeleń, mõṛẽ moka osar ar pe moka usul mitʼṭecʼ pon konac pinḍe benaokeda.

Jesaea 1:11

Probhu Isore meneda, “Aperen jãhãn teṅgenokʼko do baṅ jạruṛạńạ. Bheḍa ar lodgopʼ posao janwarkoakʼ itil reakʼ jeredokʼ samaṅokʼakʼ iń do bạń hạ̃sakʼ kana; ḍaṅgra, bheḍa ar meromakʼ mãyãm hõ bạń kusiyakʼ kana.

Jeheskel 20:40

Unre disạm talare ińakʼ sonot burure, Israel reakʼ usul burure, Israelren sanam hoṛ do ińko sewawạńạ ar iń do onḍe onkoń ataṅkoa. Onḍe iń do apeakʼ joto lekanakʼ sonot samaṅokʼakʼ, dan ar bhage bhage sandeskoń ataṅtapea.

Jeheskel 40:39

Phaṭok duạrte bolokʼ kandha reakʼ banarsa aṛerege bareakate ṭebil tahẽkana. Onako cetanre do jeredokʼ samaṅokʼakʼ, puruchun lạgitʼ samaṅokʼakʼ ar dos samaṅokʼren janwarkoakʼ jel getʼkateko dohoyetʼ tahẽkana.

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Levitikus 14:10

“Ar irạlakʼ dinre do barea bheḍa hopon ar mitʼ bochorren mitʼṭen bhiḍi hopone ạgu darakinạ. Onko mimitʼko do niphuṭ utạrko hoyokʼ jạruṛa. Ar ona sãote uni do jomakʼ samaṅokʼakʼ lạgitʼ mõṛẽ keji ponsae gram sunum mesalakatʼ mĩhĩ holoṅ ar mitʼ liṭar pe poa sunum ạgui hoyokʼtaea.

Levitikus 16:7

Ona tayom unkin merom boda do ńapamokʼ tạmbu reakʼ duạr ṭhen Probhu Isor samaṅreye ạgukinạ.

Levitikus 17:8

“Onkom metakoa, jãhãe Israel se onko talareye girobasokʼkan jãhãe jạtren hoṛge jeredokʼ samaṅokʼakʼ se eṭakʼ jãhãnakʼ samaṅokʼakʼge Probhu Isor ńutumte samaṅokʼ lạgitʼ ńapamokʼ tạmbu reakʼ duạr ṭhen bae ạgui, enḍekhan uni do acʼ jạtrenko khone meṭao ocokʼa.

Levitikus 23:12

Naeke oka hilokʼ ona ạṭiye dolaoa enhilokʼge Probhu Isor ńutumte jeredokʼ samaṅokʼakʼ lạgitʼ mitʼ bochor umerren mitʼṭen niphuṭ utạricʼ bheḍa hopon samaṅe hoyokʼtaea.

Levitikus 23:18

Noa piṭhạ sãote eae goṭecʼ mitʼ bochorren niphuṭ utạrko bheḍa hopon, mitʼṭen ḍaṅgra ar barea bheḍa ạgukin hoyokʼa. Ar noko janwarkote Probhu Isor ńutumte mitʼṭecʼ jeredokʼ samaṅokʼakʼpe samaṅa, ar ona sãote din hilokʼ reakʼ jomakʼ samaṅokʼakʼ ar coḍor samaṅokʼakʼ hõpe samaṅa. Noako do jotoge seṅgelteakʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 3:1

“Jãhãege Probhu Isor ńutumte jãhãn sulukren samaṅokʼakʼ samaṅe menetʼ khan ar uniren samaṅicʼ do pal ḍaṅgrako khone ạgu ocokʼ khan, uni do eṅga se ạnḍiạ jãhãnicʼkangeye jemon niphuṭ utạricʼe hoyokʼ.

Levitikus 4:15

Ona tayom Israelkoren mukhiyạko do Probhu Isor samaṅre uni ḍaṅgrawakʼ bohokʼre tiko dohoytakoa. Ar naeke do Probhu Isor samaṅre uniye gureya.

Levitikus 4:23

Ar tinre uniyakʼ behokakʼ udukʼaea unre uni do samaṅokʼ lạgitʼ mitʼṭen niphuṭ utạricʼ merom boda ạguiye hoyokʼtaea.

Levitikus 4:3

“Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Levitikus 4:32

“Kại ńutumte dãṛẽ lạgitʼ jãhãege bhiḍi hopone ạguiye, enḍekhan uni do niphuṭ utạricʼ bhiḍi ạguiye hoyokʼtaea.

Levitikus 5:15

“Jãhãe hoṛ monre kại reakʼ monsubạ doho baṅkate Probhu Isor ńutumte begar dohoakan jinisko babotreye kại enḍekhan uni do kại reakʼ juribana lekate Probhu Isor samaṅre mitʼṭen niphuṭ utạricʼ bheḍa ạguiye hoyokʼtaea. Ar noa do dos ńutumte samaṅokʼakʼ kana. Ona chaḍa dhorom reakʼ sekel lekate tinạkʼ rupạte bheḍawakʼ dam ṭhik dohokʼ unạkʼ rupạ do khuti purun lekate uni emae hoyokʼtaea.

Levitikus 5:18

Unre uni do acʼakʼ kại ńutumte samaṅokʼakʼ lạgitʼ oneye ṭhik dohoakatʼ damren mitʼṭen bhiḍi ạgukate naekeakʼ tireye jimạyea. Ar begor baḍaeteye kại akatʼ iạte naeke do puruchun reakʼe kạmikataea; ar onate uni do ikạye ńama.

Levitikus 6:8

Ona tayom Probhu Isor do Moseye metadea,

Levitikus 7:16

“Noa sulukren samaṅokʼakʼ do manot dohowakʼ purun lạgitʼ kan khan se samaṅetʼkạnicʼ do acʼakʼ monsubạte onae onkae enḍekhan ona samaṅ akatʼ jel do enhilokʼge jom hoyokʼa. Ar sarecʼ tahen khan dosar hilokʼ hõ ona do jomogokʼgea,

Levitikus 8:18

Ona tayom uni do jeredokʼ samaṅokʼren bheḍae ạgukedea. Unre Aron ar uniren hoponko do bheḍawakʼ bohokʼre akoakʼ tiko dohokeda.

Levitikus 8:21

Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.

Levitikus 9:2

Uni do Arone metadea, “Kại ńutumte samaṅokʼakʼ lạgitʼ am do mitʼṭen ạnḍiạ mĩhũ ar jeredokʼ samaṅokʼ lạgitʼ mitʼṭen bheḍam ạguyea ar unkin do Probhu Isor samaṅrem dohokinạ. Unkin do jemon niphuṭ utạrkin hoyokʼ.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Numeri 15:8

Jeredokʼ samaṅokʼakʼren se bises manotakʼ samaṅokʼakʼ se sulukren samaṅokʼakʼ lạgitʼ iń ṭhen ḍaṅgrape ạguye khan,

Numeri 19:2

“Niạ do iń emakʼ mitʼṭecʼ ạn-ạri kana: aben do Israelkoben metakoa jemon nonkan niphuṭ utạricʼ mitʼṭen arakʼ gạiko ạguam okoe do hoṛmore jãhãn dos bạnukʼtae ar uniyakʼ tarenre tishõ arãṛ baṅ lade akawade.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Numeri 23:27

Tayomte Balak do Biliame metadea, “Dela, ar mitʼ jaegateń idimea. Pasecʼ Isor do kusite onḍe khon iń ńutumte onkoe sarapako.”

Numeri 23:3

Ona tayom Biliam do Balake metadea, “Okoe janwarkoante jeredokʼ samaṅokʼakʼem samaṅketʼ am do onko ṭhenge tahẽhataṛokʼme ar iń do onteń senlenge. Pasecʼ Probhu Isor do iń sãote ńapamokʼ lạgitʼgeye hijukʼkan. Ar iń ṭhen okae sodor onage amiń lạiyama.” Niạ katha menkate Biliam do nonkan mitʼṭecʼ burureye rakapʼena one onare jãhãn dare nạ̃ṛĩge baṅ tahẽkan.

Numeri 23:30

Biliamakʼ katha lekage Balak doe onkakeda. Uni do mimitʼ pinḍre mimitʼ goṭen ḍaṅgra ar mitʼṭenkate bheḍae samaṅketʼkoa.

Numeri 28:11

“Mimitʼ cando reakʼ pạhil dinre Probhu Isor ńutumte jeredokʼ samaṅokʼakʼ lạgitʼ barea ḍaṅgra, mitʼṭen bheḍa ar mitʼṭen mitʼ bochorren eae goṭen bheḍa hopon samaṅko hoyokʼa. Ar onko jotoge jemon niphuṭ utạrko hoyokʼ.

Numeri 28:19

Enhilokʼ do Probhu Isor ńutumte seṅgelteakʼ samaṅokʼakʼ menkate barea ḍaṅgra, mitʼṭen bheḍa ar eae goṭen mitʼ bochor umerren bheḍa hoponkote jeredokʼ samaṅokʼakʼpe samaṅa. Ar onko do jemon jotoge niphuṭ utạrko hoyokʼ.

Numeri 28:31

Noako samaṅokʼakʼ ar ona sãoteakʼ coḍor samaṅokʼakʼ sãote jaoge jeredokʼ samaṅokʼakʼ ar ona sãoteakʼ jomakʼ samaṅokʼakʼ hõ samaṅ hoyokʼtapea. Ar onko joto janwarge jemon niphuṭ utạrko tahen.

Numeri 29:13

Probhu Isore kusiyakʼ jut so lekate seṅgelteakʼ mitʼṭecʼ samaṅokʼakʼpe samaṅa. Ona lạgitʼ gelpe goṭen ḍaṅgra, barea bheḍa ar gelpon goṭen mitʼ bochor umerren bheḍa hoponkote mitʼṭecʼ jeredokʼ samaṅokʼakʼpe samaṅa. Ar noko joto do niphuṭ utạrkoko hoyokʼma.

Numeri 29:2

Probhu Isor kusi ocoye reakʼ jut so menkate ape do enhilokʼ mitʼṭen ḍaṅgra, mitʼṭen bheḍa ar eae goṭen mitʼ bochor umerren bheḍa hoponpe ạgukoa ar mitʼṭecʼ jeredokʼ samaṅokʼakʼpe samaṅa. Ar noko do niphuṭ utạrko hoyokʼ jạruṛtakoa.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Johan 1:36

Unre Jisui dãṛã baṛaekan tahẽkanre Johane menkeda, “Hạni ńele ben, Isorren Bheḍa Hopon.”

Johan 10:7

Onate Jisu do arhõe metatʼkoa, “Sạrigeń metapekana, ińkangeạń bhiḍiko reakʼ duạr do.

Johan 10:9

Duạr do ińge. Ente jãhãege iń secʼte bhitriteye bolokʼ uni do bańcaoe ńama. Uni do bhitriteye bolokʼa ar bahreteye oḍokokʼa ar ạtiń lạgitʼ jaegae ńama.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

2 Korinthiko 9:7

Mimitʼ hoṛko monre okaṭakʼko goṭa akatʼ ona lekageko emokʼma; okoe hõ mon dukkate aloe emokʼma, ente kharsala monte emokʼkạnicʼge Isor doe dulạṛea.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Dosar Biboron 12:27

Aperen Probhu Isorakʼ pinḍ cetanre apeakʼ jeredokʼ samaṅokʼakʼ reakʼ jel ar mãyãmpe samaṅa. Aperen Probhu Isorakʼ pinḍre aperen samaṅicʼ janwarakʼ mãyãmpe dula, menkhan uniyakʼ jel dope jom daṛeakʼa.

Dosar Biboron 15:21

Menkhan onko janwarko modren jãhãeṭakʼge niphuṭ utạricʼ bae tahen, metakʼme leḍha se kãṛã se uniyakʼ hoṛmore jãhãn dos tahen, enḍekhan uni do aperen Probhu Isor ńutumte alope samaṅea.

Dosar Biboron 17:1

“Aperen Probhu Isor ńutumte nonkan ḍaṅgra se merom boda se bheḍa hõ alope samaṅkoa okoe do niphuṭ utạrko baṅkan, ente uni do onakoe hirkhạwakʼa.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.