Levitikus 1:17 - সান্তালী বাইবেল

¹⁷ Uni do phạ̃kṛạ̃kʼre sapʼkate nonkae phạṛiyea jemon aloe topage. Ar ona tayom naeke do pinḍre jolokʼkan seṅgelreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:17 Iomraidhean Croise

Genesis 15:10

Abram do onkageye kạmikeda. Uni do onkoe ạguketʼkote talateye paṛakʼketʼkoa ar mimitʼ paṛakʼ do ona reakʼ ulṭạu secʼe sajao dohokeda, menkhan cẽṛẽ do bae paṛakʼletʼkinạ.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Sereńko 16:10

Ente patal purire do bam giḍiyińạ, ar amren sonoticʼakʼ hoṛmo hõ bam nosṭo ocoya.

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 3:5

Onako do pinḍ reakʼ jolokʼkan sahan cetanre one okare jeredokʼ samaṅokʼakʼ jolokʼkan ona cetanre Aronren hoponko do onako jeretʼ cabaya. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 5:8

Unkin ạgukate uni do naekeakʼ tireye jimạkinạ ar naeke do pạhilre kại ńutumte samaṅokʼ lạgitʼ ạguakan cẽṛẽye samaṅ maṛaṅea. Uni do bae phạṛiyea menkhan bohokʼe mocṛao tapagtaea.

Levitikus 6:14

“Jomakʼ samaṅokʼakʼ niạm do nonkaleka. Aronren hoponko do jomakʼ samaṅokʼakʼ jinisko pinḍ ṭhen Probhu Isor samaṅreko ạguiya.

Levitikus 8:21

Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.

Levitikus 9:13

Onko do jeredokʼ samaṅokʼicʼ bheḍawakʼ bohokʼ ar jelko begarketʼte Aronko emadea ar uni do pinḍ cetanre onakoe jeretʼkeda.

Numeri 28:8

Ar eṭagicʼ bheḍa hopon do cando hạsur tayom samaṅe hoyokʼa. Ona sãote setakʼ reakʼ jomakʼ samaṅokʼakʼ leka ar coḍor samaṅokʼakʼ hõ tahena. Noa do seṅgelteakʼ mitʼṭecʼ samaṅokʼakʼ kana one ona reakʼ jut so do Probhu Isore kusiyakʼkan.

Mathae 27:50

Jisu do arhõ ãṭ aṛaṅteye hohokeda ar jiwi oḍokentaea.

Johan 19:30

Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte jiwiye jimạketʼtaea.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.