Levitikus 1:16 - সান্তালী বাইবেল

¹⁶ Ar samaṅetʼkạnicʼ do cẽṛẽyakʼ okotʼ ar uni bhitri reakʼ joto mạilạko ocokʼkate pinḍ purub aṛe reakʼ torocʼreye giḍikakʼa.

Levitikus 1:16 Iomraidhean Croise

Daniel 4:33

Nebukadnesar reaṅ oka roṛlen unrege ona do purạuena. Manwako tala khon uni doe laga ńir ocoyena ar ḍaṅgra leka ghãs jojome ehopʼena. Ar uniyakʼ hoṛmo do sisirdakʼte lohodokʼ ehopʼentaea; uniyakʼ upʼko do pajhaṛ cẽṛẽakʼ il leka ar ramako do cẽṛẽkoakʼ rama leka hoyentaea.

Levitikus 16:27

Kại reakʼ puruchun lạgitʼ kại ńutumtekin samaṅakan ḍaṅgra ar merom boda one unkinakʼ mãyãm do sonot utạrakʼ ṭhạ̃ire aderen, unkin do ḍera bahrete idikate harta, jel ar gubri sudhạ atar giḍikạkin hoyokʼa.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.