Levitikus 1:14 - সান্তালী বাইবেল

¹⁴ “Probhu Isor ńutumte noa jeredokʼ samaṅokʼakʼ do jãhãn cẽṛẽkote hoeocoye menetʼ khan samaṅetʼkạnicʼ do mitʼṭen potam se parwa baṛeye ạguiyema.

Levitikus 1:14 Iomraidhean Croise

Genesis 15:9

Probhu Isore roṛ ruạṛkeda, “Am do mitʼṭen bạchur, ar mitʼṭen merom ar mitʼṭen bheḍa iń ṭhenem ạgukoa. Onko sanamkoakʼ umer do jemon pe bochor hoyokʼ. Ona sãote mitʼṭen potam ar mitʼṭen parwa hopon hõ soṅgetem ạgukinạ.”

Levitikus 12:8

Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”

Levitikus 5:10

Ar eṭakʼicʼ cẽṛẽte do niạm lekate jeredokʼ samaṅokʼakʼ samaṅkate naeke do uniyakʼ puruchun reakʼe bebostawaea; ar onate uniyakʼ kại do ikạkʼtaea.

Levitikus 5:11

“Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Levitikus 5:7

“Uni hoṛ do bhiḍi pạṭhi bae ạgu daṛeae, enḍekhan uniyakʼ ona behok reakʼ ḍanḍom lekate Probhu Isor ńutumte barea potam se barea parwa lagaoaea. Unkin modre mitʼṭen do kại ńutumte ar eṭagicʼ do jeredokʼ samaṅokʼakʼ lạgitʼ.

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Mathae 21:12

Ado Jisu mundilteye boloyen khan onḍeko kiriń-ạkhrińkan tahẽkan joto doe laga oḍokketʼkoa. Uni do ṭaka bodolkoakʼ mạciko ar parwa kiriń-ạkhirińkoakʼ duṛupʼakʼkoe ulṭạu giḍikatʼteye metatʼkoa,

Luk 2:24

Ona chaḍa “Mitʼ joṛa potam se barea parwa hopon” samaṅkin reakʼ katha cetʼleka Probhu Isorakʼ ạnre ol menakʼ onkage unkin do samaṅkin lạgitʼkin calaoena.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.