Levitikus 1:13 - সান্তালী বাইবেল

¹³ Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:13 Iomraidhean Croise

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

2 Bõsbudạ 4:6

Uni do gel goṭecʼ karaheye benao ocokeda ar mõṛẽ goṭecʼ do dạkhin secʼre ar mõṛẽ goṭecʼ do utạr secʼreye dohokeda. Onakore do jeredokʼ samaṅokʼakʼ jiniskoko ạrupʼ saphayetʼ tahẽkana, menkhan naekeko do ona maraṅakʼ karahege akoakʼ ti jaṅga ạbukokʼ lạgitʼko beoharetʼ tahẽkana.

Jeheskel 40:38

Bahre raca reakʼ bhitri phaṭok duạrko reakʼ kham khunṭi aṛere mitʼ secʼ jhicʼ akatʼ mitʼṭecʼ kandha tahẽkana; ona do jeredokʼ samaṅokʼ janwarkoakʼ jel ạrupʼ ṭhạ̃i tahẽkana.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 2:11

“Probhu Isor ńutumte jomakʼ samaṅokʼ lạgitʼ jãhãnakʼge ạgukʼ ona do bin khạmiyanakʼ baṛe hoyokʼ ma. Probhu Isor ńutumte seṅgelre samaṅokʼakʼ jiniskore khạmi se rasa do alope jereda.

Levitikus 3:5

Onako do pinḍ reakʼ jolokʼkan sahan cetanre one okare jeredokʼ samaṅokʼakʼ jolokʼkan ona cetanre Aronren hoponko do onako jeretʼ cabaya. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 4:31

Ar sulukren samaṅ akade janwarakʼ itil oḍok lekage nui samaṅ akade janwarakʼ itile oḍoktaea ar pinḍ cetanreye jeretʼ cabaya. Ar noa reakʼ jut so Probhu Isor doe kusiyakʼa. Nonkate naeke do uni hoṛakʼe puruchuna ar uniyakʼ kại do ikạkʼtaea.

Levitikus 6:14

“Jomakʼ samaṅokʼakʼ niạm do nonkaleka. Aronren hoponko do jomakʼ samaṅokʼakʼ jinisko pinḍ ṭhen Probhu Isor samaṅreko ạguiya.

Levitikus 8:21

Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.

Numeri 28:11

“Mimitʼ cando reakʼ pạhil dinre Probhu Isor ńutumte jeredokʼ samaṅokʼakʼ lạgitʼ barea ḍaṅgra, mitʼṭen bheḍa ar mitʼṭen mitʼ bochorren eae goṭen bheḍa hopon samaṅko hoyokʼa. Ar onko jotoge jemon niphuṭ utạrko hoyokʼ.

Numeri 28:8

Ar eṭagicʼ bheḍa hopon do cando hạsur tayom samaṅe hoyokʼa. Ona sãote setakʼ reakʼ jomakʼ samaṅokʼakʼ leka ar coḍor samaṅokʼakʼ hõ tahena. Noa do seṅgelteakʼ mitʼṭecʼ samaṅokʼakʼ kana one ona reakʼ jut so do Probhu Isore kusiyakʼkan.

Dosar Biboron 12:27

Aperen Probhu Isorakʼ pinḍ cetanre apeakʼ jeredokʼ samaṅokʼakʼ reakʼ jel ar mãyãmpe samaṅa. Aperen Probhu Isorakʼ pinḍre aperen samaṅicʼ janwarakʼ mãyãmpe dula, menkhan uniyakʼ jel dope jom daṛeakʼa.